Liifai Yaab 14:7 - Uwumbɔr aagbaŋ

⁷ ki di mu yɔk yɔk uweendaan ngbaan pu nfum mulole, ki bui ke u ŋa chain a. Linanjel li gur waa kɔr li na, utotoor di li lii aan li fii buen.

Liifai Yaab 14:7 ပူးပေါင်းရင်းမြစ်များ

2 Bibɔrb 5:10

Le Elaisa tun waatutunn ke u ti bui u ke u li cha Jɔɔdann Aamɔɔl ni ki ti fu laanyun nfum mulole, le waaween ngbaan ga doo pel pel.

2 Bibɔrb 5:14

Kina pu le Naamann nan buen Jɔɔdann Aamɔɔl ni, le ki ti di ubaa pɔɔn nnyun ni nfum mulole, Elaisa aah tuk u ke u ŋa pu na, le waaween ngbaan doo pel pel. Uwon nan pɔɔk ki jɔŋ pɔl pɔl ke ubo aawon na.

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Ilahn 51:7

Nyan mi maatunwanbir ni, aan m nya chain; finn mi, aan m piir chain ke tikokonn na.

Aisaya 52:15

U mu ga ŋa ŋinibol pam chain, u pu le bibɔrb ga li ka waa bimɔi, kaa kpa tibaa bi len. Bi ga kan tiwan ni unii ubaa aa mɔk bi na, ki bee tiwan ni baa ŋun ni pu na aatataa.”

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Liifai Yaab 13:13

utotoor ki gir lik u. U yaa kan ke iween ngbaan yaa gaa uwon mɔmɔk pu kan, u len ke u bi chain. Uwon mɔmɔk yaa kpar piir kan, u bi chain le na.

Liifai Yaab 13:17

aan u ki gir lik u. Le ni yaa ye ke mu yann ki piir kan, u ki ŋa chain le na, le utotoor ga len ke u bi chain.

Liifai Yaab 14:51

le ki di santina aadɔ, ni nkiisuk, ni ŋŋmiman na, ki kpee linanjel li gur baa kɔr na bɔ waah ba ku linanjel li na aasin, ni nnyunpɔm na ponn ni, aan ki di yɔk yɔk lidichal ngbaan ni, nfum mulole.

Liifai Yaab 16:14

U ga di uŋanbik bɔ unaaja na aasin ni, ki di ngem yɔk yɔk libiil ngbaan aamɔb pu, ki di ngem yɔk yɔk Uwumbɔr Aakaal Aadakaa chee, nfum mulole.

Liifai Yaab 16:19

U di uŋanbik bɔ nsin ngbaan ni, ki di ngem yɔk yɔk libimbiln ngbaan pu nfum mulole. Kina le u ga ŋa li, ki nyan li Israel yaab aatunwanbir ni, ki ŋa li chain.

Liifai Yaab 16:22

Le uŋoob ngbaan ga di baatunwanbir ti bi u pu na buen nin chee binib aa bi na.

Liifai Yaab 4:17

ki di uŋanbik bɔ mu ni, ki di yɔk yɔk likekeln chee nfum mulole.

Liifai Yaab 4:6

ki di uŋanbik bɔ nsin ngbaan ni, ki di yɔk yɔk chain aakekeln chee, nfum mulole,

Liifai Yaab 8:11

U nan yoor nkpan ngbaan ngem le ki bar yɔk yɔk kitork aabimbiln, ni laawan mɔmɔk pu, ni lisambil, ni laapɔtaln pu, nfum mulole; u nan ŋa kina ki di ni tii Uwumbɔr la.

Maika 7:19

Aa ga ki san timi kinimbaak lelee. Aa ga taa taa timi aatunwanbir ŋmal titan ni, ki di ti buen nnyusakpem aataab.

Nkahm 19:12

See u fu nnyun mu ga cha u li bi chain na, wintaa daal, ni winlole daal, le ki nin ŋa chain. U yaa kaa fu kina aanyun wintaa ni winlole daal ki ŋa ubaa chain kan, waan li bi chain.

Jɔnn 19:34

Le butɔb aaja ubaa di kigbalk saa Yesu aasikakl. Libuul ngbaan ni, le nsin ni nnyun nyan.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Hiibru Yaab 12:24

Ni fuu ni Yesu chee la. U pu, le Uwumbɔr puu tipuupɔln tii timi. Uma Yesu aasin mu yaa ti pu na le ŋa timi chain. Mu pu, le Uwumbɔr di cha pinn timi. Waasin ngbaan len tibɔr ti ŋan jer Abel aasin aah nan len pu na.

Hiibru Yaab 9:13

Bi nan joo iŋoob ni inaaja aasin yɔkr binib bi kaa ye chain na pu, ki di unaasabo aafatan gbaa gbaa bi, le ni ŋa tiwon chain.

Hiibru Yaab 9:19

Njan, Moses nan tuk binib mɔmɔk baah ga dii Uwumbɔr aakaal mɔmɔk pu na, le ki nin di tikumaman ni tifar ŋa inaabi ni iŋoob aasin, ni nnyun ni, ki di yɔk yɔk Uwumbɔr aakaal aagbaŋ pu, ni binib mɔmɔk pu,

Hiibru Yaab 9:21

le ki di nsin ngbaan yɔk yɔk libool, ni baah joo tiwan nimɔk tun lituln tii Uwumbɔr na pu.

Hiibru Yaab 9:26

U yaa ba nan joo ubaa toor kitork libiln mɔmɔk kan, u ba ga ji falaa n‑yoonn mɔmɔk, buyoonn dulnyaa wee piin ki joo cha na. Naah ye pu na, u fuu ni buyoonn ni ŋeer na, ki di ubaa toor kitork nfum mubaa, ke u kuln titunwanbir.

1 Piita 1:2

Tite Uwumbɔr nan nyan nimi waageehn pu, ki cha Waafuur Nyaan ŋa nimi chain, ni li keei Yesu Kristo aamɔb, aan Uwumbɔr di cha pinn nimi Yesu aasin pu. Uwumbɔr ŋa tinyoor ŋa ni pu, ki tii nimi nsuudoon pam.

1 Jɔnn 5:6

Yesu Kristo le ye u nan dan dulnyaa wee ni na, le Jɔnn muin u nnyun ni. Baah nan ku u na, le waasin nyan. Naa ye ke Jɔnn muin u nnyun ni baanja la, bi nan ku u ki kpee, le waasin nyan. Uwumbɔr Aafuur Nyaan mɔk timi ke nimina ye mbamɔn la; ba pu? Nfuur Nyaan ye mbamɔndaan la.