Liifai Yaab 14:18 - Uwumbɔr aagbaŋ

¹⁸ Nkpan mu gur uŋaapɔtan ni na, u di kpir uja ngbaan aayil pu. U yaa ŋa kina kan, u toor ki ŋa udaan ngbaan chain le na.

Liifai Yaab 14:18 ပူးပေါင်းရင်းမြစ်များ

Nnyam 29:7

ki di nkpan kpir uyil pu, ki ŋa u utotoor.

Liifai Yaab 14:17

U ga ki ban nkpan ngem mu bi uŋaapɔtan ni na, ni upihbo ngbaan aasin, ki di ŋa baah bi toor unii u bi ŋa u chain na aaŋangii aatafalan ni, ni uŋangii aaŋanbijak pu, ni utaagiil aataŋanbijak pu.

Liifai Yaab 15:15

Utotoor ga di linanjel libaa toor titunwanbir aatork, ki di liken mu toor kitork ki bi joo seer mmii ni na. Kina le u ga toor ki ŋa udaan ngbaan chain.

Liifai Yaab 4:20

U ŋa tiwan mɔmɔk unaaja ngbaan pu, ke waah ŋa ubaa aatunwanbir aapiin aanaaja pu pu na. U yaa ŋa kina kan, u toor nyan binib ngbaan aatunwanbir le na, le Uwumbɔr ga di cha pinn bi baatunwanbir.

Liifai Yaab 4:26

U ga di waakpan ngbaan see mmii ni, libimbiln paab, ke waah see kimɔbaan aatork aawakor aakpan pu na. Utotoor yaa toor kitork kimina aaboln tii utinjoor kan, Uwumbɔr ga di cha pinn u waatunwanbir.

Liifai Yaab 4:31

U chuu nyan waakpan mɔmɔk, ke waah nyan kimɔbaan aatork aawakor aakpan pu na, ki di mu see mmii ni, libimbiln paab, aan ni li nu mɔ Uwumbɔr chee. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 4:35

U chuu nyan waakpan mɔmɔk ke waah nyan kimɔbaan aatork aapiih aakpan pu na, aan ki di mu see mmii ni, libimbiln paab, ki kpee tijikaar aatork pu, ki tii Uwumbɔr. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 5:16

See u pan waah ba yii kaa pan chain aapar ti na, le ki ki pa paan ti pu ki tii utotoor. Le utotoor ga di kiwakork ngbaan toor udaan ngbaan aatunwanbir pu, le Uwumbɔr ga di cha pinn u waatunwanbir.

Liifai Yaab 8:12

U nan ki di nkpan ngbaan ngem kpir Aaronn aayil pu, ki ŋa u Uwumbɔr aatutunn.

Nkahm 15:28

Kitork aabimbiln pu, le utotoor ga ŋa kina aatork ki nyan unii ngbaan waatunwanbir ni ki ŋa u chain, le u kan chapinn.

Hiibru Yaab 2:17

Ni ŋan ke u li naahn unaabitiib tiwan mɔmɔk ponn ni, aan ki li ye utotoorninkpel u san timi kinimbaak, ki tun Uwumbɔr aatuln mbamɔm, ki di ubaa toor kitork aan Uwumbɔr di cha pinn waanib baatunwanbir na.