Liifai Yaab 13:57 - Uwumbɔr aagbaŋ

⁵⁷ Lipɔpɔl yaa ki gir nyan ni pu kan, ni bi pɔr kpei la, uwandaan see ni mmii ni.

Liifai Yaab 13:57 ပူးပေါင်းရင်းမြစ်များ

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Liifai Yaab 13:56

Tɔ, ni yaa ye ke n‑yoonn mu bi finn ni na, le utotoor ki gir lik ni, aan ni wuur kan, u chuu nin chee lipɔpɔl ngbaan baan na, ki kar nyan ni tiwan ngbaan pu.

Liifai Yaab 13:58

Tɔ, u yaa finn tiwan ngbaan, aan lipɔpɔl wuur ki nyan doo kan, u ki gir finn ni lelee, le ni ga ki ŋa chain.

Matiu 22:7

Le ubɔrkpaan ngbaan gee liŋuul sakpen, le ki tun waajab le bi ti ku binikurb ngbaan, le ki see baatiŋ mmii.

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Ikaal 24:8

“Ni ponn ni ubaa yaa kpa tiwon aaween i bir na kan, ni pɔɔn nibaa ki ŋa Liifai aatotoorb aah ga bui nimi pu na. Ni ŋa maah tuk bi ikaal i na mɔmɔk.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”