Liifai Yaab 12:3 - Uwumbɔr aagbaŋ

³ Winiin daal kan, ni gii ubo ngbaan aachakpaln.

Liifai Yaab 12:3 ပူးပေါင်းရင်းမြစ်များ

Nnyam 22:30

Ni di nimi aawakor aajan aabim mu tii mi. Ni cha i li bi inatiib chee ki ti saa iwiin ilole, le winiin daal kan, ni di i nan tii mi.

Liifai Yaab 12:4

Nsin aah nyan upii ngbaan ni pu na, see u bi ki ti saa iwiin piitaa ni itaa, le ki nin ŋa chain. N‑yoonn ngbaan kan, u taa meeh tiwan ni bi chain na, ki mu taa koo Uwumbɔr Aabool ponn ni ki ti saa bundaal u ga ŋa chain na.

Liifai Yaab 15:3

Ni yaa ye ke ti nya tibaa pu, bee ti yaa ŋeeb li kan, tima pu na, waa bi chain.

Tibɔnyaan ti Luk ŋmee ti na 1:59

Waabo aawiin iniin daal, le bi dan bi nan gii uchakpaln, le ki ban bi yin u ke Sekaria ke baah yin ute pu na.

Tibɔnyaan ti Luk ŋmee ti na 2:21

Ubo ngbaan aawiin iniin daal le ni ŋeer bi gii uchakpaln. Le bi yin u ke Yesu. Buyoonn Mari aa nan kee dek lipuul na, le Uwumbɔr aatuun ngbaan nan bui u ke bi yin u kina.

Lituln 15:1

Tɔ, bijab bibaa nan nyan ni Judea aatiŋ ni, ki dan Antiok aatiŋ ni, le ki nan tuk Yesu aanib ke bi yaa kaa gii ŋichakpan, Moses aakaal aah mɔk pu na kan, baan ŋmar.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Galantiya 3:17

Maah len pu na le ye ke Uwumbɔr nan puu tipuur, ki puu ke u ga sil ŋa kina [Kristo pu]. Ŋibin ikui inaa ni ŋibin piitaa aah jer na, le u tii binib nkaal. Nkaal ngbaan aa ŋa tipuur ngbaan fam.

Galantiya 5:3

Unii umɔk gii uchakpaln ke u ŋmar na, m ban m ki sur u ke Moses aakaal mɔmɔk dii u la.

Ikaal 30:6

Nidindaan Uwumbɔr ga tii nimi ni niyaabitiib nsui mu kpa limɔkiir na, nima kan, ni ga li gee u nisui ni mbamɔm, ki li bi kitiŋ ngbaan ni.

Filipi 3:5

Maah nan ye iwiin iniin aabo na, bi nan gii nchakpaln. M ye Juu yaab aabo, ki ye Benjaminn aanibol ponn ni aanii ubaa la. M ye Hiibru yaab aabo bamɔnn la. M nan dii Moses aakaal, Farisii yaab aah dii pu na.

Kolosiya 2:11

Naah kpaan Kristo ni na, le ni bi ke binib bi gii ŋichakpan na; ni mu aa ye ŋichakpan le ni gii, ni ye nimi aabimbikpok le ni gii lii. Ni ye Kristo aah gii pu na la.