Liifai Yaab 11:32 - Uwumbɔr aagbaŋ

³² Le naawankpol yaa lir tiwan nimɔk pu na kan, naa ki bi chain. Tiwan ngbaan yaa ye idɔ, bee tiwanpeenkaan, bee igban, bee bɔtɔ, bee bi yaa joo tiwan nimina ŋani lituln li na kan, naa ki bi chain, bi di nnyun mu bi chain na ki finn ni, le naan li bi chain ki ti saa kijook wɔb.

Liifai Yaab 11:32 ပူးပေါင်းရင်းမြစ်များ

Liifai Yaab 11:31

Unii umɔk meeh ni, bee naawankpol na, aa ki bi chain kina ki ti saa kijook wɔb.

Liifai Yaab 14:46

N‑yoonn mu bi laŋ lidichal ngbaan aan unii koo li ponn ni na, waa ki bi chain le ki ti saa kijook wɔb.

Liifai Yaab 15:12

Tiyakr aabuul limɔk uja ngbaan meeh na, ni gbaa wii li; le ni yaa ye idɔ aasambil kan, ni ŋir ŋi mɔmɔk.

Liifai Yaab 15:15

Utotoor ga di linanjel libaa toor titunwanbir aatork, ki di liken mu toor kitork ki bi joo seer mmii ni na. Kina le u ga toor ki ŋa udaan ngbaan chain.

Liifai Yaab 16:26

Uja u jenn uŋoob u nyan baatunwanbir na buen kipɔɔk ni na, finn waawanpeenkaan ki fu nnyun waahr aan ki nin kun linampal biken chee.

Liifai Yaab 17:15

Israel aanii, bee uwɔwɔnja umɔk jin kiwakork ki kpo kibaa pu, bee upeel yaa chuu kiwakork ki ki ŋman gur na kan, udaan finn waawanpeenkaan ki fu nnyun, ki li kii kijook wɔb aan ki nin ŋa chain.

Liifai Yaab 22:6

Utotoor u kaa bi chain na aan li bi chain ki ti saa kijook wɔb, kaan ŋmaa ji ipiin i bi chain na aatork aajikaar mu, see u fu nnyun.

Liifai Yaab 6:28

Ni yaa di tiyakr aakumbuul le ŋaan tinann ngbaan kan, ni gbaa wii li; bee ni yaa di tikur aakumbuul le ŋaan ti kan, ni ŋir ki kɔr li ponn ni mbamɔm aan ki ban nnyun chann li.

Nkahm 19:15

Nkin, ni libuul ni mu bi kidiik ngbaan ni, kaa kpa ŋibii na mu kpaln tijɔŋ aawan le na.

Nkahm 19:7

Nee aapuwɔb na, u finn waawanpeenkaan ki fu nnyun, nima kan, u ga ŋmaa gir kun linampal; u mu beenin ye ujɔŋdaan la, see kijook wɔb le u ga nan ŋa chain.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Taitus 3:5

ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.