Liifai Yaab 10:6 - Uwumbɔr aagbaŋ

⁶ Moses nan ki bui Aaronn ni ujapɔtiib bilee bi gur ki bi, aan bi yin bi ke Eleasar ni Itamar na ke, “Ni toor nimi aayikpir, ki taa kar nimi aawanpeenkaan, ki taa cha nisui bii ninaabitiib ngbaan pu. Ni yaa cha nisui bii bi pu kan, ni mu ga kpo; le Uwumbɔr ga gee liŋuul ŋa Israel yaab mɔmɔk pu. Tɔ, nido yaab Israel yaab bi gur na wii baakpuul, Uwumbɔr aah cha mmii ku ninaabitiib na pu.

Liifai Yaab 10:6 ပူးပေါင်းရင်းမြစ်များ

2 Samuel 24:1

Uwumbɔr nan ki gee Israel yaab pu liŋuul, le ki cha David ban tibɔr tii bi. Uwumbɔr nan bui u ke, “Li cha ki ti kahn Israel ni Juda aanib.”

Esra 7:5

Buki aate nan ye Abisua la, le Abisua mu aate nan ye Fineas, le Fineas aate nan ye Eleasar, u aate nan ye utotoorninkpel Aaronn na.

Nnyam 33:5

ba pu? Uwumbɔr le nan bui Moses ke u tuk binib ngbaan ke, “Nitafal pɔɔ pam. Nibaakan, m yaa ban m dii nimi foor siib kan, m ga kuln nimi kookoo. Tɔ, chuu nyan nimi aasalmaa aaleen, aan m dakl lik maah ga ŋa nimi pu na.”

Nnyam 6:23

Aaronn nan yoor Eliseba, Aminadab aabisal u ye Nasonn aaninkpan na, le u nan ma Nadab, ni Abihu, ni Eleasar, ni Itamar.

Jeremia 7:29

“Jerusalem aanib, li wii ikpowiil man; kuu niyikpir ki di mee man. Gaa nkpolahn ŋigongon paab man, ba pu? min Uwumbɔr aaŋuul fii, le m yii maanib.

Liifai Yaab 13:45

Unii u kpa tiwon aaween i bir na li peeni tikekekpir, ki taa chaa uyikpir, ki di likekeln biin umɔb wɔb, aan ki li tar mpɔɔn pu ke, “Maah bi chain, maah bi chain.”

Maika 1:16

Juda aanib, kuu nimi aayikpir man ki li wii naah gee nimi aabim bi na pu. Kuu ŋiyikun ke nangba tiib na man, ba pu? bi ga di nimi aabim buen kitiyayaŋ ni ki cha nimi.

Nkahm 1:53

Le Liifai yaab ma ga kal gob Libool ngbaan ki li kii li, aan nima kan, biken taa duun li, ki cha maaŋuul fii aan m bii Israel yaab.”

Nkahm 14:6

Le Nunn aajapɔɔn Josua, ni Jefune aajapɔɔn Kaleb, bima bilee ngbaan mu nan dii bipepekb ngbaan buen, le bisui nan bii, le bi chuu baawanpeenkaan daa kar.

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 18:5

Sin, ni aajapɔtiib baanja le ga tun Chain Aapepel wɔb, ni kitork aabimbiln pu aatuln. Nima kan, maaŋuul aan ki fii Israel yaab pu.

Nkahm 20:25

Di Aaronn ni ujapɔɔn Eleasar buen Hor Aajool pu.

Nkahm 5:18

Utotoor yaa ŋa kina doo kan, u ga finn upii ngbaan aayikpir, aan ki di n‑yon na ŋa upii ngbaan aaŋaal ni. Utotoor ubaa li joo lisambil li kpa nnyun mu cho na uŋaal ni, muma le ye imɔpuur.

Ikaal 33:9

Bi nan mɔk ke bi pak si sakpen, ki jer baah pak bitetiib, ni binatiib, ni binaabitiib, ni baabim pu na. Bi kii saamɔb ki nan joo saah puu tipuur ti na mbamɔm.

Josua 22:18

Ni yaa yii Uwumbɔr aamɔb din wee kan, u ga gee liŋuul Israel yaab mɔmɔk pu.

Josua 22:20

Ni teer Sera aajapɔɔn u bi nan yin u ke Akann na bɔr, u nan yii Uwumbɔr aamɔb le ki yoor tiwan ni ye Uwumbɔr yaan na, le Uwumbɔr nan daa Israel yaab mɔmɔk aatafal, naa nan ye Akann baanja le nan kpo titunwanbir ngbaan pu.”

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

Josua 7:11

Israel yaab le tun titunwanbir. Maah bui bi ke bi taa ŋa pu na, bi yii ki ŋa ni. Tiwan ni m nan bui bi ke bi bii ni na, bi yii ki yoor ni. Bi sun tiwan ngbaan, le ki gii inyamɔn ni pu, ki di kpaan baawan ponn ni.