Liifai Yaab 10:3 - Uwumbɔr aagbaŋ

³ Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Liifai Yaab 10:3 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Job Aagbaŋ 2:10

Le Job gar u ke, “Aa si len bɔfam la. Uwumbɔr yaa tii ni timi tiwan ni ŋan na kan, ti gaal ni iŋaal ilee la. Ti ga ŋa kinye ki galn u buyoonn u tii timi tibɔbir na?” Job aah nan jin falaa sakpen tiwan nimɔk pu na, waa nan di tibaa tam Uwumbɔr.

Ilahn 119:120

M san sin le ijawaan; saakaal pu le ijawaan joo mi.

Ilahn 148:14

U nan gee waatimbol Israel yaab pam ki tii bi mpɔɔn, nima pu le bi pak u. Pak Uwumbɔr man.

Ilahn 39:10

Taa ki daa ntafal kpee; saagbar ban ti ku mi la.

Ilahn 39:9

M ga li ŋmin, kaan len tibaa, ba pu? Sin le cha m ji falaa wee.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Ilahn 93:5

Uwumbɔr, saakaal bi n‑yoonn mɔmɔk, le Saadichal sil bi chain n‑yoonn mɔmɔk.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 19:22

Hali, utotoor u ga dan m chee na yaa kaa toor ki ŋaŋ ubaa kan, m ga daa utafal.”

Nnyam 19:24

Le Uwumbɔr giin bui u ke, “Sunn ki ti cha Aaronn dii ni si. Bitotoorb ni binib ngbaan ma taa puur nkuul ngbaan ke bi dan m chee, bi yaa yii kan, m ga daa bitafal.”

Nnyam 30:30

Aa di mu kpir Aaronn ni ujapɔtiib aayil pu ki ŋa bi bitotoorb aan bi li tun tii mi.

Aisaya 39:8

Ubɔrkpaan Hesekia nan dak ke tibɔr ngbaan aatataa le ye ke nsuudoon ga li bi waamɔfal aayoonn, le ki giin kii ke, “Uwumbɔr aah di tibɔr ti tii ni si na ŋan.”

Aisaya 49:3

U nan bui mi ke, “Israel aanibol, sin le ye maatutunn; sin pu, le binib mɔmɔk ga pak mi.”

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Esekiel 28:22

Bui binib bi koo nima chee na, min Dindaan Uwumbɔr aah kpa baabɔr ti m tuk bi na ke: Saidonn aatiŋ, m ye saadin la; binib ga pak mi maah ŋa si pu na pu. M yaa mɔk maah bi chain pu na ki daa binib bi koo aa ponn ni na aatafal kan, bi ga bee ke min le ye Uwumbɔr.

Esekiel 38:16

Aa ga tak maanib Israel yaab ke kitaabuŋ ki bɔ kitiŋ ponn ni ki jer na. N‑yoonn ngbaan yaa nan fuu ni kan, m ga cha aa ti koo maatiŋ ni ki di mɔk ŋitimbol maah ye Uwumbɔr u na, ki di maah joo si tun lituln li na mɔk maah ye chain pu na.

Esekiel 40:46

le kidiik ki lik ŋŋangan wɔb na ye bitotoorb bi tun kitork aabimbiln pu aatuln na aadiik. Bitotoorb ngbaan mɔmɔk nan ye Sadok aayaabitiib la; bima baanja le nan ye Liifai aanibol ni aanib bi kpa nsan ke bi sil Uwumbɔr aanimbiin ni ki tun waatuln na.

Esekiel 42:13

Uja ngbaan nan bui mi ke, “Ŋidichal ŋilee ŋee mɔmɔk ye chain la. Ŋima ponn ni le bitotoorb bi chaa Uwumbɔr aanimbiin ni na ji chain chain aatork aajikaar. Tidir ngbaan aah bi chain na, nima chee le bitotoorb ga di chain chain aapiin, i ye njikaabim aatork, ni titunwanbir aatork, bee lipɔln aateem aatork na siin.

Liifai Yaab 21:15

Ni yaa kaa ye kina kan, waabim bi ba ga li ye chain aabim na aan li bi chain. Min le ye Uwumbɔr ki nyan u ke u li ye Utotoorninkpel.”

Liifai Yaab 21:17

ke u tuk Aaronn ke, “Aayaabitiib ponn ni aanii ubaa aawon yaa kaa ŋan ki kpa iween kan, u taa di tijikaar aatork tii mi. Nkaal ngbaan ga li bi kina le ki cha n‑yoonn mɔmɔk.

Liifai Yaab 21:21

Aaronn u ye utotoor na aayaabitiib ponn ni ubaa yaa kpa tiwon aaween kina aaboln kan, u taa di tijikaar aapiin aatork tii min.

Liifai Yaab 21:6

U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Liifai Yaab 21:8

Binib mɔmɔk li nyi ke utotoor ye chain aanii la, ba pu? uma le joo tijikaar aatork tii mi. Min le ye Uwumbɔr, m bi chain la, le ki ŋa maanib chain.

Liifai Yaab 22:9

“Bitotoorb mɔmɔk li joo ikaal ngbaan ke maah di i tuk nimi pu na. Bi yaa kaa joo i kan, baabɔr ga bii, le bi ga kpo, ba pu? bi yii maakaal i bi chain na. Min le ye Uwumbɔr le ki ŋa bi chain.

Liifai Yaab 8:35

Ni li bi Libool ngbaan ni, laachiln ni, nwiin pu ni kinyeek, ki ti saa iwiin ilole, aan ki li ŋani Uwumbɔr aah mɔk pu na. Ni yaa yii kan, ni ga kpo. Uwumbɔr aah tuk mi pu na le na.”

Nkahm 16:5

le ki bui Kora, ni binib bi kpee u pu na ke, “Fen aachakpiik ni kan, Uwumbɔr ga fe mɔk ti mɔmɔk unii u ye waanii na; u ga fe cha waah nyan unii u na dan u chee, waatork aabimbiln chee.

Nkahm 20:12

Uwumbɔr nan ki bui Moses ni Aaronn ke, “Naah kaa gaa mi ki kii mbamɔm, ki yii, kaa ban ni mɔk binib ngbaan maapɔɔn mu bi chain na pu na, maan cha ni di bi koo kitiŋ ki ponn ni m puu ke m ga di tii bi na ni.”

Matiu 10:37

“Unii umɔk gee ute, bee una ki jer mi na, waa ŋeer u le ye maadidiir. Unii umɔk gee ujapɔɔn, bee ubisal ki jer mi na, u mu aa ŋeer u le ye maadidiir.

Jɔnn 12:28

Nte, cha binib nyuŋ si.” Waah len kina na, le nneel nyan ni paacham ki len ke, “M cha bi nyuŋ mi, ki ga ki cha bi nyuŋ mi.”

Jɔnn 14:13

Ni yaa mee Uwumbɔr tiwan nimɔk maayimbil pu na kan, m ga ŋa naah ban pu na tii nimi, aan binib nyuŋ Uwumbɔr, min Ujapɔɔn pu.

Ikaal 32:51

ba pu? nimi bilee ngbaan nan yii maamɔb, Israel aanib ngbaan mɔmɔk aanimbiin ni. Buyoonn ni nan fuu Meriba aanyun mu bi gbɔk Kades aatiŋ ki bi Sinn aateersakpiin ni chee na, ni nan yii, kaa tii mi kipak binib ngbaan aanimbiin ni.

2 Tesalonika 1:10

Bi ga kan ntafadaan ngbaan bundaln Tidindaan ga gir ni na. Liyaadaal ngbaan le waanib bi mɔmɔk gaa u ki kii na ga nyuŋ u, ki pak u. Ni mu ga li bi waanib ngbaan ponn ni; ba pu? taah tuk nimi Yesu aabɔr na, ni gaa ti ki kii la.

1 Piita 4:17

Ni ŋeer Uwumbɔr piin ki ji binib tibɔr. U ga puen ji waanib le tibɔr, le ki nin ji biken tibɔr. U yaa puen ji timi waanib tibɔr kan, binib bi kaa kii waabɔnyaan na aabɔr ga doo kinye?

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.

1 Samuel 3:18

Kina pu le Samuel bui u ti mɔmɔk; waa nan di tibaa bɔr u. Le Eli bui ke, “Uma le ye Uwumbɔr. Cha u ŋa waah ban pu na.”

1 Samuel 6:20

Kina pu le Bef Semes aajab bui ke, “Ŋma ga ŋmaa sil Tidindaan Uwumbɔr u bi chain na aanimbiin ni? Ti ga di dakaa ngbaan buen la chee ki cha tibaa?”