Liifai Yaab 10:2 - Uwumbɔr aagbaŋ

² Baah ŋa kina na, libuul ngbaan ni, le Uwumbɔr cha mmii dan le ki nan ku bi, unimbiin ni.

Liifai Yaab 10:2 ပူးပေါင်းရင်းမြစ်များ

2 Samuel 6:7

Libuul ngbaan ni le Uwumbɔr aaŋuul fii Usa pu, le u ku u, waah kaa pak uma Uwumbɔr Aakaal Aadakaa pu na pu. Usa nan kpo dɔ gbɔk Nkaal Aadakaa ngbaan nima chee,

1 Bibɔrb 13:28

le u siir buen ki ti kan ubɔnabr ngbaan kpo dɔ nsan ni, le ubon ni uchinn ngbaan beenin si gbɔk u. Uchinn ngbaan aa ŋman u ki mu aa ŋa ubon na nibaa.

1 Bibɔrb 18:38

Le Uwumbɔr cha mmii sunn ni, ki nan wun kitork ngbaan, ni idɔ, ni ŋitakpal, ki kuur kitiŋ kpan kpan, le nnyun mu dɔ libuul na ponn ni na foor pel pel.

2 Bibɔrb 1:10

Le Elaija gar u ke, “M yaa ye Uwumbɔr aanii kan, u cha mmii nyan ni paacham ki nan ku aa ni saajab bee.” Libuul ngbaan ni le mmii sunn ni ki nan ku uninkpel ngbaan ni waajab na mɔmɔk.

2 Bibɔrb 1:12

Le Elaija gar u ke, “M yaa ye Uwumbɔr aanii kan, u cha mmii nyan ni paacham ki nan ku aa ni saajab bee.” Libuul ngbaan ni le Uwumbɔr aamii sunn ni ki nan ku uninkpel ngbaan ni waajab na mɔmɔk.

1 Bibɔrb Aabɔr 13:10

Libuul ngbaan ni, le Uwumbɔr aaŋuul fii Usa pu, le u ku u, waah meeh dakaa ngbaan pu na. U nan kpo Uwumbɔr aanimbiin ni, nima chee la.

1 Bibɔrb Aabɔr 15:13

Naah kaa nan bi ki tun u njan na, le Tidindaan Uwumbɔr nan daa titafal, taah kaa nan dooni u waah ban pu na pu.”

1 Bibɔrb Aabɔr 24:2

Nadab ni Abihu nan puen bite kpo, kaa nan kpa mbim. Binaatiib Eleasar ni Itamar nan ye bitotoorb la.

Job Aagbaŋ 1:16

Waahr aan u ti len doo na, le ututunn uken dan nan bui ke, “Utaal teen ipiih ni bitutum pu, ki ku bi ni ipiih mɔmɔk. Min baanja le ŋmar ki dan m nan tuk si.”

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Nnyam 24:1

Uwumbɔr nan bui Moses ke, “Dan m chee lijool paab, aa ni Aaronn, ni Nadab, ni Abihu, ni Israel yaab aaninkpiib imonko itaa ni kipiik. Ni yaa laa bi dandar kan, ni gbaan kitiŋ ki doon mi.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Liifai Yaab 10:5

Moses aah mɔk bi pu na, le bi dan nan chuu baawanpeenkaan ki di bi nyan lipaal.

Liifai Yaab 16:1

Aaronn aajapɔtiib bilee na aah nan di mmii mu kaa bi chain, ki see tulalee aayon tii Uwumbɔr aan ki kpo na aapuwɔb,

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Nkahm 16:35

Le Uwumbɔr nan cha mmii nyan ni, ki nan wun bijab ikui ilee ni piiŋmu bi nan joo ni tulalee aayon waabimbiln chee na.

Nkahm 16:49

Binib bi nan kpo na nan saa ŋichur kipiik ni ŋinaa, ni ikui ilole. Kora ni binib bi nan kpaan kpo buyoonn u nan galn Moses na aa bi bi ponn ni.

Nkahm 26:61

Uwumbɔr nan faa ku Nadab ni Abihu, buyoonn bi nan di mmii mu kaa bi chain na see tulalee aayon tii u na.

Lituln 5:10

Libuul ngbaan ni, le u mu kpo, ki lir kitiŋ, unimbiin ni. Le binachipɔm ngbaan koo ni ki kan u kpo a. Le bi yoor u mu, ki ti di sub uchal chee.

Lituln 5:5

Ananias aah ŋun waah len pu na, le u kpo ki lir kitiŋ. Le ijawaan chuu binib bimɔk ŋun tibɔr ngbaan na.

1 Korenti 10:11

Tibɔr ngbaan nan ŋa bi kina ki ye limɔkl le ki mɔk binib. Bi nan ŋmee ti Uwumbɔr Aagbaŋ ni, ke ni li ye nsurm le ki tii timi bi bi kookoo aayoonn na.

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.