Liifai Yaab 10:19 - Uwumbɔr aagbaŋ

¹⁹ Le Aaronn giin bui Moses ke, “Bi toor titunwanbir aatork, ni kitork ki bi joo seer mmii ni na aapiin din wee, ki tii Uwumbɔr, le tibɔbir tee aaboln dan m pu. M yaa ba ŋman titunwanbir aatork aanann ngbaan kan, ni ba ga li mɔ Uwumbɔr aa?”

Liifai Yaab 10:19 ပူးပေါင်းရင်းမြစ်များ

Aisaya 1:11

U bui ke, “Taa dak man ke m gee nimi aatork ki ni toor tii mi na. Maa ki neen naah kɔr nimi aapiih i ki joo seer mmii ni ki tii mi na, ni nimi aanaa i ŋan na aakpan mu. Maa ki neen nimi aanaasin, ni mpihsin, ni ŋŋosin mu ni tii mi na.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Hosea 9:4

Baan ti ŋmaa tii Uwumbɔr ndaan aapiin, biwɔwɔm aatim ngbaan ni, kaan ŋmaa di baatork buen unimbiin ni. Biwɔwɔm ngbaan aajikaar ga bii umɔk jin ti na, ke baah jin likpuul ponn ni aajikaar pu na la. Bi ga li ji ti ke ti lee baakon la; ti ponn ni tibaa aan ŋmaa koo Uwumbɔr Aadichal ni ki ye ipiin tii u.

Liifai Yaab 10:20

N‑yoonn mu Moses ŋun kina na, le ni piir usui.

Liifai Yaab 9:12

U nan ki kɔr kiwakork ki ye uma ubaa aatork ki bi joo seer mmii ni na aapiin aawakork. Le ujapɔtiib joo ni kaasin u chee, le u di mu mee kpir libimbiln aapepel mɔmɔk ŋinaa pu.

Liifai Yaab 9:8

Le Aaronn buen kitork aabimbiln chee ki ti kɔr unaaja, u ye uma ubaa aatunwanbir aatork aapiin aawakork na.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 26:14

Maah nan wii ikpowiil na, maa nan jin ti ponn ni, buyoonn maa nan bi chain na, maa nan lee ti ponn ni ngem nyan maadichal ni, ki mu aa lee ti tii bitekpiib. Uwumbɔr, saah bui ke m tii tijikaar aapiin pu na, m ŋa ni mɔmɔk.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.

Hiibru Yaab 7:27

Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.

Hiibru Yaab 9:8

Uwumbɔr Aafuur Nyaan mɔk timi ke mɔb aadiik ngbaan aah nan laa bi na, binib aa nan kpa nsan ke bi koo ni chain chain aapepel ponn ni.