Liifai Yaab 1:8 - Uwumbɔr aagbaŋ

⁸ Bi di baah geei kiwakork ngbaan aanann ti na, ki kpee liyil, ni nkpan, ŋa mmii ngbaan ni.

Liifai Yaab 1:8 ပူးပေါင်းရင်းမြစ်များ

1 Bibɔrb 18:23

Li joo ni inaaja ilee man; ki cha liwaal Baal aawaadam li yeh ubaa, ki kɔr u ki chɔi waanann, ki di paan idɔ pu, ki taa tuur mmii. M mu ga ŋa unaaja uken na kina.

1 Bibɔrb 18:33

le ki di idɔ paan libimbiln ngbaan pu, le ki chɔi unaaja ngbaan ki di paan idɔ ngbaan pu, le ki bui ke, “Lu nnyun ituun inaa man ki nan di pɔl kitork ngbaan ni idɔ ngbaan mɔmɔk pu.” Bi nan ŋa kina,

Esekiel 40:43

Bi nan ŋa likɔl li aawawaan ye kiŋanbik kibaa na mann teebul tiib ngbaan aamɔju. Bi nan joo tinann ti mɔmɔk bi ga di see mmii ni timɔnn na paani teebul tiib ngbaan pu la.

Liifai Yaab 1:12

Nee aapuwɔb na, uja ngbaan yaa geei kaanann doo kan, le utotoor u toor kitork na ga di tinann ngbaan, ni liyil, ni nkpan, ŋa mmii ni.

Liifai Yaab 3:3

Le bi di kiwakork ngbaan aaponn ni aawan nimina: Nkpan mu mɔmɔk bii ponn ni aawan pu na, ni ŋipɔɔkpeebil ni nkpan mu bii ŋi na, ni lipɔɔl nin chee ŋan na, ni li ye tijikaar aapiin ki tii Uwumbɔr.