Liifai Yaab 1:4 - Uwumbɔr aagbaŋ

⁴ Udaan ngbaan ga di uŋaal paan unaaja ngbaan aayil pu, le Uwumbɔr ga gaa waatork ngbaan ki di cha pinn waatunwanbir.

Liifai Yaab 1:4 ပူးပေါင်းရင်းမြစ်များ

Nnyam 28:38

Aaronn di kiyikpupuk ngbaan chiŋ aan tiwanyaan na li jɔn uyigbeer pu, nima kan, min Uwumbɔr ga gaa Israel yaab aapiin i Aaronn ga di dan m chee na, hali binib ngbaan yaa galn baah ban bi tii ipiin pu na kan, m ga gaa i.

Nnyam 29:10

“Aa di unaaja ngbaan dan nnimbiin ni, Maabool aabisamɔb chee, aan ki cha Aaronn ni ujapɔtiib di biŋaal paan uyil pu.

Nnyam 29:15

“Nyan upihja ubaa ki cha Aaronn ni ujapɔtiib di biŋaal paan uyil pu.

Nnyam 29:19

“Aa di upihja uken na, u aa ga di toor ki ŋa bitotoorb na, aan ki tuk Aaronn ni ujapɔtiib ke bi di biŋaal paan uyil pu.

Nnyam 29:33

Bi ki ŋmɔ kiwakork ki bi di toor chapinn aatork na aanann. Bitotoorb baanja le ŋeer bi ji tijikaar ngbaan, ba pu? ti ye chain aajikaar la.

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Esekiel 45:15

Ni nyan upiih ubaa Israel aapihkpaamook aapiih ikui ilee ni tii mi ipiin. “Ni li joo ni njikaabim aatork, ni tiwakor ti ni ga di see mmii ni timɔnn na, ni kimɔbaan aatork nan tii mi, aan ki kan chapinn nimi aatunwanbir pu. Min Nidindaan Uwumbɔr le siin kina.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Liifai Yaab 16:21

U di uŋaal ilee paan uŋoob ngbaan aayil pu, ki kpiir Israel yaab aatunwanbir, ni baah yii Uwumbɔr aamɔb pu na mɔmɔk, ŋa uyil pu, ki nyan uja ubaa, u jenn uŋoob ngbaan buen kipɔɔk ni.

Liifai Yaab 16:24

U ban nnyun ki fu mu, chain aapepel ni, ki ki di ubaa aawanpeenkaan peen. U yaa ŋa kina doo kan, u nya ki ti toor kitork ki bi joo seer mmii ni na, ki nyan ubaa, ni Israel yaab mɔmɔk mu aatunwanbir.

Liifai Yaab 22:21

Ni yaa ti ban ni tii Uwumbɔr kimɔbaan aapiin, bee ni ye lipɔln, bee ni ban ni tii nibaa aageehn aapiin, ki ban ke Uwumbɔr gaa ipiin ngbaan kan, ni cha kiwakork li ŋan.

Liifai Yaab 3:13

u di uŋaal paan uŋoob ngbaan aayil pu, aan ki kɔr u Libool na aabisamɔb chee. Le bitotoorb di nsin yɔk yɔk kitork aabimbiln aapepel ŋinaa mɔmɔk pu,

Liifai Yaab 3:2

Uja ngbaan ga di uŋaal paan unaa ngbaan aayil pu, le ki kɔr u Uwumbɔr Aabool aabisamɔb chee. Le Aaronn aabijabim bi ye bitotoorb na ga di nsin yɔk yɔk kitork aabimbiln aapepel mɔmɔk ŋinaa pu.

Liifai Yaab 3:8

u di uŋaal paan uyil pu, ki kɔr u Libool na aabisamɔb chee. Bitotoorb ga di nsin yɔk yɔk kitork aabimbiln aapepel mɔmɔk ŋinaa pu,

Liifai Yaab 4:15

le binib ngbaan aayidam mɔmɔk ga di biŋaal paan uyil pu, le bi kɔr u nima chee.

Liifai Yaab 4:20

U ŋa tiwan mɔmɔk unaaja ngbaan pu, ke waah ŋa ubaa aatunwanbir aapiin aanaaja pu pu na. U yaa ŋa kina kan, u toor nyan binib ngbaan aatunwanbir le na, le Uwumbɔr ga di cha pinn bi baatunwanbir.

Liifai Yaab 4:24

U di uŋaal paan uyil pu, aan ki kɔr u, kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na. Ipiin aatork kimina aaboln le nyani titunwanbir.

Liifai Yaab 4:26

U ga di waakpan ngbaan see mmii ni, libimbiln paab, ke waah see kimɔbaan aatork aawakor aakpan pu na. Utotoor yaa toor kitork kimina aaboln tii utinjoor kan, Uwumbɔr ga di cha pinn u waatunwanbir.

Liifai Yaab 4:29

U di uŋaal paan uyil pu, aan ki kɔr u kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na.

Liifai Yaab 4:31

U chuu nyan waakpan mɔmɔk, ke waah nyan kimɔbaan aatork aawakor aakpan pu na, ki di mu see mmii ni, libimbiln paab, aan ni li nu mɔ Uwumbɔr chee. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 4:33

U di uŋaal paan uyil pu, aan ki kɔr u kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na.

Liifai Yaab 4:35

U chuu nyan waakpan mɔmɔk ke waah nyan kimɔbaan aatork aapiih aakpan pu na, aan ki di mu see mmii ni, libimbiln paab, ki kpee tijikaar aatork pu, ki tii Uwumbɔr. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 4:4

U li joo ni unaaja ngbaan Libool aabisamɔb chee, ki di uŋaal paan uyil pu, aan ki kɔr u Uwumbɔr aanimbiin ni.

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Liifai Yaab 6:7

Le utotoor ga di kiwakork ngbaan toor udaan ngbaan aatunwanbir pu, le Uwumbɔr ga di cha pinn u waatunwanbir.

Liifai Yaab 8:14

Moses nan joo ni unaaja u u ga di toor titunwanbir aapiin aatork na, le ki cha Aaronn ni ujapɔtiib di biŋaal paan uyil pu.

Liifai Yaab 8:18

Ni paa na, Moses nan joo ni upihja u u ga di toor kitork ki bi joo seer mmii ni na, le ki cha Aaronn ni ujapɔtiib di biŋaal paan uyil pu.

Liifai Yaab 8:22

Moses nan ki joo ni upihja uken na, uma le u nan di toor kitork ki kaan bitotoorb; le ki cha Aaronn ni ujapɔtiib di biŋaal paan uyil pu.

Liifai Yaab 9:7

Moses nan bui Aaronn ke, “Li cha kitork aabimbiln chee, ki ti toor titunwanbir aatork, ni kitork ki bi joo seer mmii ni na, aan ki nyan aa ni binib ngbaan aatunwanbir. Toor kitork ngbaan tii Uwumbɔr ki nyan binib ngbaan aatunwanbir, ke Uwumbɔr aah mɔk pu na.”

Nkahm 15:25

Utotoor le ga ŋa kina aatork ki ŋa binib ngbaan mɔmɔk chain, le bi ga kan chapinn, ba pu? baa nyi le ki tun taani ngbaan, le ki mu joo ni titunwanbir aatork aapiin ke ni ye tijikaar aapiin le nan tii Uwumbɔr.

Nkahm 15:28

Kitork aabimbiln pu, le utotoor ga ŋa kina aatork ki nyan unii ngbaan waatunwanbir ni ki ŋa u chain, le u kan chapinn.

Nkahm 25:13

Waah kaa kii ke Israel yaab ki li dooni ubaa ki kpee m pu, ki joo ni chapinn baatunwanbir pu na, u ni waamaal ga li ye bitotoorb le n‑yoonn mɔmɔk.”

Nkahm 8:10

Cha Israel aanib ngbaan di biŋaal paan Liifai yaab aayil pu,

Nkahm 8:12

Le Liifai yaab mu ga di biŋaal paan inaaja ilee na aayil pu; ni ga di ubaa toor titunwanbir aatork aapiin, ki di uken toor kitork ki ni ga di see mmii ni na aapiin, aan ni li ye kitork ki ga ŋa Liifai yaab ngbaan chain na.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 3:25

U nan di Yesu siin binib aanimbil ni, ke u nan kpo, aan uma Uwumbɔr taa ki gee liŋuul ti pu. Ti yaa gaa Yesu ki kii kan, waasin pu le Uwumbɔr ga di cha pinn timi. Nima le mɔk ke Uwumbɔr ŋani ni ŋan na; ba pu? u nan kpa limɔr, kaa bii binib bi tun titunwanbir buyoonn Yesu Kristo aa kee dan dulnyaa wee ni na.

Rom Yaab 5:11

Naa ye nima baanja pu le ti mɔɔni. Tidindaan Yesu Kristo pu le ti bee Uwumbɔr aah ŋan pu na, le ki mɔɔni. U pu le ti ni Uwumbɔr kpaan kijɔtiik.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.

Hiibru Yaab 10:4

Inaaja aasin, ni iŋoob aasin aa ŋmaa nyan titunwanbir binib aasui ni.

1 Jɔnn 2:2

U nan si timi aasisiiyaan ki di ubaa toor kitork tii Uwumbɔr, timi aatunwanbir pu; naa ye timi baanja aatunwanbir pu, binib bimɔk bi dulnyaa ni na aatunwanbir pu. Uma Yesu pu, le Uwumbɔr ga di cha pinn timi.