Liifai Yaab 1:3 - Uwumbɔr aagbaŋ

³ Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 1:3 ပူးပေါင်းရင်းမြစ်များ

Mpiin 22:13

Abraham nan yaar ki lik, le ki kan upihja si timoor ni, uyiin lɔk busub waatiir bubaa ponn ni. Le u buen ti chuu upihja ngbaan ki nan di toor kitork tii Uwumbɔr, kaa ki di ujapɔɔn toor.

Mpiin 22:2

Uwumbɔr nan bui u ke, “Di aajapɔɔn, u ye aajapɔnbaal Aisak, aan aa gee u sakpen na, ki di u buen Moria aatiŋ ni. Nima chee m ga mɔk si lijool libaa paab, aa di u toor kitork tii mi nima chee.”

Mpiin 22:8

Abraham nan giin bui u ke, “Uwumbɔr le ga tii timi kitork aapihbo.” Le bima bilee ngbaan nan chuun cha.

Mpiin 8:20

Nowa nan maa libimbiln tii Uwumbɔr le ki di tiwakor, ni inyoon i bi chain na ibaabaa, ki di i toor kitork, ki see i mmii ni, libimbiln ngbaan paab, tii Uwumbɔr.

2 Bibɔrb Aabɔr 29:32

Bi nan joo ni inaaja imonko itaa ni kipiik, ni ipiih nkub, ni ipihbi ikui ilee ki nan toor kitork ki bi ga di see mmii ni na tii Uwumbɔr.

2 Bibɔrb Aabɔr 35:12

le ki yakr tiwakor ti ye ke bi di see mmii ni na tii binib ngbaan, ŋidichal, ŋidichal, aan bi toor kina aatork, Moses Aakaal aah mɔk pu na.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Ilahn 40:8

Maawumbɔr, m gee sakpen ke m ŋa saageehn, m joo saamɔkm nsui ni la.”

Nnyam 12:5

Ni ga ŋmaa nyan upihjabo, bee uŋojabo; kiwakork ngbaan mu li ye libiln libaa aawakork, ki taa li kpa iween ibaa.

Nnyam 24:5

U nan tun binachipɔm le bi ti see kitork aapiin tii Uwumbɔr, le ki di inaja toor kimɔbaan aatork mu.

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Nnyam 29:4

“Aa di Aaronn ni ujapɔtiib dan nnimbiin ni, Maabool aabisamɔb chee, ki nan fu bi nnyun.

Nnyam 29:42

N‑yoonn mu choo na, ni li seer ipiin aatork ngbaan mmii ni ki tii mi, nnimbiin ni, Libool na aabisamɔb chee. Nima chee le m ga pii maanib, ki len aa chee tibɔr.

Nnyam 32:6

Le ni woln kichakpiik ni, le bi joo ni tiwakor ke bi toor kitork ki di see mmii ni, ki di tiken ŋa tijikaar ki kpaan ji tɔb chee. Le binib ngbaan kal bi ji njim ngbaan, le ni ti kpaln lidanyul ni kidagook aatuln.

Nnyam 35:21

le binib bi mɔmɔk nan gee ke bi tii na nan joo ni baapiin nan tii Uwumbɔr, bi di ŋa Waabool. Bi nan joo ni tiwan nimɔk bi ga li joo dooni Uwumbɔr na, ni baah ga di ni ŋal bitotoorb aawanpeenkaan na.

Nnyam 35:29

Le Israel aanib bimɔk nan gee bi tii na nan joo ni baapiin ki nan tii Uwumbɔr, waah nan bui Moses lituln li na pu.

Nnyam 35:5

Tiin Uwumbɔr ipiin man. Unii umɔk ban u ŋa kina na kan, u li joo ni salmaa, ni tikunabr, ni tikumann,

Nnyam 36:3

Bi nan gaa u chee ipiin i mɔmɔk Israel yaab nan joo ni ke bi nan di ŋa Uwumbɔr Aabool ngbaan na. Tɔ, Israel yaab nan beenin joo ni baapiin, ki nan tii Moses kichakpiik mɔmɔk ni.

Nnyam 38:1

U nan di lisiijal aadɔ le ŋa kitork aabimbiln. Li nan ye likpakpaln la, laah fɔk pu na nan ye ŋitaa ŋilole ni ligeln, le laah waa pu na mu ye ŋitaa ŋilole ni ligeln, le laah fɔk paacham pu na ye ŋitaa ŋinaa ni ligeln.

Aisaya 1:11

U bui ke, “Taa dak man ke m gee nimi aatork ki ni toor tii mi na. Maa ki neen naah kɔr nimi aapiih i ki joo seer mmii ni ki tii mi na, ni nimi aanaa i ŋan na aakpan mu. Maa ki neen nimi aanaasin, ni mpihsin, ni ŋŋosin mu ni tii mi na.

Esekiel 20:40

Nimi Israel aanib mɔmɔk ga li dooni mi kitiŋ ngbaan pu, maajool li bi chain ki ye Israel aajool li paa na pu nima. M ga li gee nimi, le ni ga joo ni mi nimi aatork, ni nimi aapiinkpaan i bi chain na.

Esekiel 40:39

Teebul tiib binaa le nan bi kinaakook kee ponn ni, bilelee si lipepel mɔk pu. Teebul tiib ngbaan pu le bi nan kɔr kitork aawakor ti ga see mmii ni timɔnn na, ti ye titunwanbir aachapinn aatork, ni ti ye lipɔln aapam aatork na.

Liifai Yaab 1:10

Ni yaa ye waapiih, bee waaŋoob ponn ni le u ban u di ubaa toor kan, u nyan kijak ki li ŋan.

Liifai Yaab 14:10

Winiin daal kan, u li joo ni ipihjabi ilee, ni upihsal, timɔk li ye libiln libaa aawakor ti ŋan na, ni boroboro aayon mu olif aakpan ŋmal mu ponn ni na kuruwaa bitaa, ni olif aakpan likpalbageln.

Liifai Yaab 16:7

Le u ga di iŋoja ilee na buen Uwumbɔr aanimbiin ni, Waabool aabisamɔb chee.

Liifai Yaab 17:8

Israel aanii ubaa, bee biwɔwɔm bi koo ni chee na ubaa yaa toor kitork ki bi joo seer mmii ni na, bee u yaa toor kitork kibaa aaboln nibaa chee

Liifai Yaab 17:9

ki tii Uwumbɔr, kaa di buen Waabool aabisamɔb chee kan, waan ki li ye Uwumbɔr aanib ponn ni ubaa.

Liifai Yaab 23:12

Bundaal ni ga di tijikaar aapiin tii na, ni di ipiin aatork ki bi joo seer mmii ni na kpee ki pu, ni di libiln libaa aapihjabo u ŋan na toor kitork ngbaan.

Liifai Yaab 23:18

Israel yaab mɔmɔk kpaan ki ban libiln libaa aapihjabi ilole, ni unaaja ubaa, ni ipihja ilee, i mɔmɔk taa li kpa iween ibaa, ki li ŋan, aan ki di kpee tijikaar aapiin pu. Ni di kina aawan toor ipiin aatork ki bi joo seer mmii ni na, ki di kpee njikaabim aapiin, ni ŋisubil aadaan aapiin, ki di ni mɔmɔk tii Uwumbɔr. Kina aapiin nu mɔ Uwumbɔr chee.

Liifai Yaab 3:1

N‑yoonn mu nimi ubaa ban u di unaa toor kitork ki tii Uwumbɔr kimɔbaan aapiin na kan, u li ye unaaja bee unaasal u ŋan na.

Liifai Yaab 4:15

le binib ngbaan aayidam mɔmɔk ga di biŋaal paan uyil pu, le bi kɔr u nima chee.

Liifai Yaab 4:23

le bi tuk u aan u bee ke u tun titunwanbir kan, u li joo ni uŋoja u ŋan na ki nan toor waatork.

Liifai Yaab 4:3

Utotoorninkpel le yaa tun titunwanbir le ni ga joo ni ntafadaan binib pu kan, u di unaaja u ŋan na toor kitork tii Uwumbɔr, waatunwanbir ngbaan pu.

Liifai Yaab 4:32

U yaa joo ni upiih le u nan toor titunwanbir aatork kan, u cha ni li ye upihsal u ŋan na.

Liifai Yaab 5:15

Ni ponn ni ubaa yaa kaa nyi le kaa pan Uwumbɔr tipar ti bi chain na kan, u tun titunwanbir Uwumbɔr chee. Nima pu na, u li joo ni upihja, bee uŋoja u ŋan na, ki nan tii Uwumbɔr lipɔln aatork. Kiwakork ngbaan aadaak li dii Uwumbɔr aakaal aah siin pu na.

Liifai Yaab 5:18

U li joo ni utotoor chee upihja, bee uŋoja u ŋan na, ni li ye lipɔln aatork. Kiwakork ngbaan aadaak li dii nkaal aah siin pu na. Utotoor ga di kiwakork ngbaan toor udaan ngbaan aatunwanbir ti u tun kaa nyi na pu, le Uwumbɔr ga di cha pinn u waatunwanbir.

Liifai Yaab 6:2

Ubaa yaa yii, kaa giin uŋeen aatɔ aah di tiwan ni tii u, u di bil na, bee u yaa sun waawan nibaa, bee u jin u pem pem,

Liifai Yaab 6:8

Uwumbɔr nan bui Moses

Liifai Yaab 7:16

Unii yaa nan puu tipuur le ki giin ti, bee u yaa tii ipiin ubaa aageehn pu, le tinann yaa gur ki woln kitaak kan, ni li ŋmɔ man.

Liifai Yaab 8:18

Ni paa na, Moses nan joo ni upihja u u ga di toor kitork ki bi joo seer mmii ni na, le ki cha Aaronn ni ujapɔtiib di biŋaal paan uyil pu.

Liifai Yaab 9:2

U nan bui Aaronn ke, “Ban ni unaaja ni upihja i ŋan na, ki nan toor kitork tii Uwumbɔr. Aa di unaaja toor titunwanbir aatork, aan ki di upihja toor kitork ki bi joo seer mmii ni na,

Sekaria 13:7

Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Nkahm 15:3

Ni yaa ban ni toor kitork ki bi joo seer mmii ni na kan, ni ga ŋmaa di unaaja, bee upihja, bee upihsal, bee uŋoob ŋa kina tii mi. Ni yaa ban ni ŋa naah puu pu na, bee ni yaa ban ni tii mi nibaa aageehn aapiin buyoonn ni ban ni ji njim mu na kan, ni ŋa kina; tijikaar aatork ngbaan nu mɔ, min Uwumbɔr chee.

Nkahm 15:8

N‑yoonn mu ni ti joo unaaja ke ni toor kitork tii min Uwumbɔr na kan, ni yaa ye mmii ni aatork, bee ni yaa ban ni giin tipuur, bee ni yaa ye kimɔbaan aatork kan,

Nkahm 19:2

ke bi di nkaal mumina mɔk Israel yaab. Bi li joo ni unaa u man, kaa kpa iween, ki ŋan, aan baa kee di u tun lituln libaa na.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Nkahm 23:27

Balak nan ki bui ke, “Li dii ni mi aan ti ki buen niken chee. Nibaakan Uwumbɔr ga cha aa sil nima chee ki puun lii bi pu ki tii mi.”

Nkahm 23:3

Balaam nan bui Balak ke, “Li si gbɔk kitork aabimbin ngbaan, aan m buen do, ki ti lik ke Uwumbɔr ga kpiir ba aabɔr tuk mi. M ga tuk si waah kpiir tibɔr ti mɔk mi na.” Kina pu na, u nan buen ligongoln paab ubaa la.

Nkahm 23:30

Le Balak ŋa waah mɔk u pu na, ki di unaaja ni upihja toor kitork, ŋibimbin ngbaan mɔmɔk libaabaa pu.

Nkahm 28:11

Uŋmal aajan aawiin daal kan, ni toor kitork ki ni ga di see mmii ni na tii Uwumbɔr. Naah ga di tiwakor ti toor na sɔ: inaajabi ilee, ni upihja, ni libiln libaa aapihjabi ilole, i mɔmɔk taa li kpa iween, ki li ŋan.

Nkahm 28:19

Ni toor kitork ki li ye tijikaar aatork ki di see mmii ni tii Uwumbɔr. Naah ga ban tiwakor ti toor na sɔ: inaajabi ilee, ni upihja ubaa, ni libiln libaa aapihjabi ilole, i mɔmɔk taa li kpa iween ki li ŋan.

Nkahm 28:31

Ni toor kina aatork, ni ŋisubil aadaan aatork, ki di kpee iwiin mɔmɔk aatork ki ye kitork ki ni joo seer mmii ni na, ni njikaabim aapiin aatork na pu tii Uwumbɔr.

Nkahm 29:13

Njan aawiin daal kan, ni toor tijikaar aatork ki tii Uwumbɔr, ki nu mɔ u chee: ni ban inaajabi kipiik ni itaa, ni ipihja ilee, ni libiln libaa aapihjabi kipiik ni inaa, i mɔmɔk taa li kpa iween, ki li ŋan chain.

Nkahm 29:2

Ni toor kitork ki di see mmii ni, tii Uwumbɔr, ki nu mɔ u chee. Tiwakor ti ni ga di toor na sɔ: unaaja ubaa, ni upihja, ni libiln libaa aapihjabi ilole, i mɔmɔk taa li kpa iween, ki mu li ŋan chain.

Tibɔnyaan ti Luk ŋmee ti na 1:35

Le u bui u, “Uwumbɔr Aafuur Nyaan ga sunn ni aa pu. Uwumbɔr u kaa kpa ŋeen aatɔ na aapɔɔn ga cha aa dek lipuul. Nima pu na, saah ga maa ubo u na ga li ye chain. Bi ga yin u ke Uwumbɔr Aajapɔɔn la.

Jɔnn 1:36

ki kan Yesu bi chuun nima. Jɔnn nan lik u, le ki len ke, “Lik, Uwumbɔr Aapihbo.”

Jɔnn 10:7

Baah kaa bee liyataŋakl ngbaan aatataa na, le u ki bui bi, “M tuk nimi mbamɔn la, min le ye ipiih aabɔkpuŋ aabisamɔb.

Jɔnn 10:9

Min le ye Uwumbɔr aanaan ni aabisamɔb. Unii yaa dii mi ki koo ni kan, u ga ŋmar, ki ga koo ki nya ki gir koo, ki ga kan timosoon la.

2 Korenti 8:12

Unii yaa gee ke u tii Uwumbɔr ipiin ki yaa tii u waah kpa pu na kan, Uwumbɔr ga gaa la. Uwumbɔr aa ban ke unii tii ki jer waah kpa pu na.

2 Korenti 9:7

Unii mɔmɔk aah di pu ŋa usui ni ke u ga tii ni na, cha u tii kina. U taa tii ni mpombiin, ki taa tii limukl aatiin. Ba pu? Uwumbɔr gee unii u tii ni mpopiin na la.

Efesusi 2:18

Kristo pu, le binib bi ye Juu yaab na, ni binib bi kaa ye Juu yaab na mɔmɔk kpaani Uwumbɔr Aafuur Nyaan baan ni, ki dan Tite Uwumbɔr chee.

Efesusi 5:27

ke u di bi tii uma ubaa, bi li bi u chee, ki li ŋan sakpen, ki li bi chain, ki taa li kpa tijɔŋ tibaa, ki taa li kpa taani ubaa.

Ikaal 12:27

Ni di kitork ki ni ga di ki mɔmɔk see mmii ni, Uwumbɔr aabimbiln paab na toor tii u nima chee. Naah ga di tiwakor ti toor kitork na, ni nyan taasin kpir waabimbiln pu, aan ki ŋmɔ tinann ngbaan.

Ikaal 15:21

Tɔ, nibaa yaa ŋa tiwakor ngbaan, nibaakan ki yaa wɔb, bee ki jɔb, bee ni nibaa chee yaa bii kan, ni taa di ki toor kitork tii Nidindaan Uwumbɔr.

Ikaal 17:1

“Kiwakork yaa kaa ŋan, kaa kpa laafee kan, ni taa di ki toor kitork tii Nidindaan Uwumbɔr. Waa gee kina.

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.

Hiibru Yaab 9:14

Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.