Liifai Yaab 1:13 - Uwumbɔr aagbaŋ

¹³ Uja ngbaan finn ponn ni aawan, ni ŋitaajal, le utotoor ga di kitork ngbaan tii Uwumbɔr, ki see ti mɔmɔk libimbiln paab mmii ni. Tijikaar aapiin kina aaboln nu mɔ Uwumbɔr chee.

Liifai Yaab 1:13 ပူးပေါင်းရင်းမြစ်များ

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

2 Bibɔrb Aabɔr 4:6

Bi nan ki ŋa tisapar kipiik, le ki di tiŋmu siin Uwumbɔr Aadichal ponn ni aaŋangii wɔb, le tiŋmu mu si ŋŋangan wɔb. Bi nan joo tima le finni kitork aanann ti bi joo seer mmii ni na. Bitotoorb nan fu nnyun mu bi nkin sakpiin na ponn ni na la.

Esekiel 40:38

Kidiwaatiir kibaa nan bi lichinjal ni ki tab ponn ni aabisamɔb ŋŋangan wɔb. Ki nan piir lir kinaakook ki lik ni lichiln ni na, nima chee le bi finn kitork aawakor ti bi joo seer mmii ni timɔnn na.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 2:11

Bi yaa ban bi tii Uwumbɔr njikaabim aapiin kan, bi taa ŋa boroboro aanyɔk mu ni, bi yaa ban bi tii kina aapiin kan, bi taa ŋa boroboro aanyɔk, bee tisiir.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 3:5

Le bitotoorb ga di ni mɔmɔk, ki di kpee kitork kiken pu, ki see mmii ni, kitork aabimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 4:31

U chuu nyan waakpan mɔmɔk, ke waah nyan kimɔbaan aatork aawakor aakpan pu na, ki di mu see mmii ni, libimbiln paab, aan ni li nu mɔ Uwumbɔr chee. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 6:14

Naah ga li dii pu ki tii njikaabim aapiin na aakaal le na: Aaronn aajapɔtiib le ga li joo njikaabim aapiin aatork tii Uwumbɔr ipiin, kitork aabimbiln taab.

Nkahm 15:3

Ni yaa ban ni toor kitork ki bi joo seer mmii ni na kan, ni ga ŋmaa di unaaja, bee upihja, bee upihsal, bee uŋoob ŋa kina tii mi. Ni yaa ban ni ŋa naah puu pu na, bee ni yaa ban ni tii mi nibaa aageehn aapiin buyoonn ni ban ni ji njim mu na kan, ni ŋa kina; tijikaar aatork ngbaan nu mɔ, min Uwumbɔr chee.

Nkahm 15:4

Unii umɔk ban u di upiih, bee uŋoob, ŋa mmii aatork tii min Uwumbɔr na kan, u li joo ni n‑yon kuruwaa ubaa, ki di olif aakpan kpalba ubaa buun mu, ki di kpee kiwakork mɔk, ki kpee ŋisubil aadaan kpalba ubaa, aan ni mu le ye njikaabim aapiin.

Nkahm 28:11

Uŋmal aajan aawiin daal kan, ni toor kitork ki ni ga di see mmii ni na tii Uwumbɔr. Naah ga di tiwakor ti toor na sɔ: inaajabi ilee, ni upihja, ni libiln libaa aapihjabi ilole, i mɔmɔk taa li kpa iween, ki li ŋan.

Nkahm 28:8

Kijook wɔb mu kan, ni di lelee aapiih toor ke kichakpiik ni naah ba toor pu na, ki kpee ni mu aasubil aadaan. Ni mu ki ye tijikaar aapiin la, ipiin ngbaan aaboln nu mɔ Uwumbɔr chee.

Ikaal 12:27

Ni di kitork ki ni ga di ki mɔmɔk see mmii ni, Uwumbɔr aabimbiln paab na toor tii u nima chee. Naah ga di tiwakor ti toor kitork na, ni nyan taasin kpir waabimbiln pu, aan ki ŋmɔ tinann ngbaan.