Kolosiya 4:6 - Uwumbɔr aagbaŋ

⁶ Ni li len ibulchiliin n‑yoonn mɔmɔk, ki li len Uwumbɔr aalambil aah ye pu na. Ni yaa len kina kan, ni ga bee naah ga giin pu ki kii unii mɔmɔk na.

UWONBƆR A GBƆNPƆŊ LIKƆƆNL

⁶ Ni che ni bɔr a pagim li gbee nin linyunyunbasanl ki mɔ ke n-yaamin, wee ni li nyi naah li jiin bininfob biɛn a binbaan yin man.

Kolosiya 4:6 ပူးပေါင်းရင်းမြစ်များ

1 Bibɔrb Aabɔr 16:24

Moon waah kpa kipak pu na ki tuk ŋitimbol, ki moon waah tun ŋitukpaan pu na tuk binib mɔmɔk.

Ilahn 105:2

Gaa ilahn ki pak Uwumbɔr man; ki tuk binib waah tun ŋitukpaan ŋi na.

Ilahn 119:13

M ga ki gir len mpɔɔn pu saah tii ikaal i mɔmɔk na.

Ilahn 119:46

M ga di saakaal moon tii bibɔrb, kaan san inimɔɔn.

Ilahn 45:2

Sin ubɔr le ŋan jer bijab mɔmɔk; aa ye unii u ŋmaa len na la. Uwumbɔr ŋani tinyoor ŋani aa pu n‑yoonn mɔmɔk la.

Ilahn 66:16

Binib bi mɔmɔk nyuŋ Uwumbɔr na, dan ki nan pel man, aan m bui nimi waah tun pu tii mi na.

Ŋiyataŋak 10:21

Uninyaan aamɔbon ga ter kinipaak, le igbaan ga ŋmaa ku si.

Ŋiyataŋak 15:4

Lilambil li sɔŋni sui na tii limɔfal la, le mbiin aamɔbon ma kulni limɔfal.

Ŋiyataŋak 15:7

Binib bi kpa nlan na le joo nlan tii biken, naa ye bijɔrb.

Ulandaan 10:12

Ulandaan aamɔliin tii u liyimbil la, le ujɔr ma aamɔliin ku u.

Esekiel 43:24

ki li joo ni i m chee. Bitotoorb ga di n‑yaan yɔk yɔk i pu, ki di i see mmii ni, aan ni li ye kitork ki tii mi.

Liifai Yaab 2:13

Ni ban n‑yaan ŋa nimi aajikaar aapiin mɔmɔk ni, ba pu? n‑yaan le ye tipuur ti bi ni ni Uwumbɔr aasisik ni na aamɔkl. Ni li ŋani n‑yaan nimi aapiin mɔmɔk ni.

Matiu 5:13

“Nimi maadidiliib le ye dulnyaa wee ni aayaan. N‑yaan yaa bii, ki yaa kaa ki mɔ kan, nibaa aa bi ki ga ki ŋmaa ŋa mu aan mu mɔɔk. Mu aa ki bi tibɔr tibaa ni. Bi ga di mu kpir la. Le binib ga taa mu pu ki jer.

Tibɔnyaan ti Mak ŋmee ti na 9:50

N‑yaan ŋan la. Tɔ, mu yaa bii ki yaa kaa ki mɔ kan, nibaa aa bi ki ga ki ŋmaa ŋa mu aan mu mɔɔk. Ni li bi ke n‑yaan aah mɔ pu na, ki li bi suuna tɔb chee man.”

Tibɔnyaan ti Luk ŋmee ti na 4:22

Le bi mɔmɔk pak u. Waah len iliinyaan pu na, le ni gar bi pam. Le bi baa tɔb, “Waa ye Josef aajapɔɔn la aa?”

Efesusi 4:29

Ni taa cha iliin i kaa ŋan na nyan nimi aamɔi ni. Ni li len iliin i ŋan na, i ga ter binib bi ŋun na ke bi dii Uwumbɔr aasan mbamɔm.

Ikaal 11:19

Ni di i mɔk nimi aabim. Ni yaa bi linampal, bee ni yaa bi ligɔr kan, ni li len yaabɔr. Ni li len yaabɔr buyoonn ni ka fuur na, ni buyoonn ni bi tun lituln na.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.