Kolosiya 4:1 - Uwumbɔr aagbaŋ

¹ Dindatiib, ni li ŋani nimi aanaagbiib mbamɔm; ba pu? ni nyi ke ni mu kpa Dindaan paacham.

UWONBƆR A GBƆNPƆŊ LIKƆƆNL

¹ Biyudam, ni li ŋaan ni yomi tiŋann nin nan kpaan na, nan bu-n, ni nyi ke ni tɔɔl jɔɔ Uyudaan wan be paab.

Kolosiya 4:1 ပူးပေါင်းရင်းမြစ်များ

Ulandaan 5:8

Aa yaa kan ke biyidam muk bigiim, kaa tii bi baabamɔn, ni tiwan ni ŋan na kan, taa cha ni ŋa si iwaan. Uninkpel mɔmɔk aah bi unii u aataab na le kiir u. Le unii u jer bimɔk bilee na kii bi.

Aisaya 58:3

Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Liifai Yaab 19:13

“Ni taa ji unii ubaa pem pem, bee ni gaa waawan. Unii yaa tun saatuln kan, pɔɔn aabaa ki pa u, ki taa cha ni woln kitaak.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 20:4

Le u bui bi, ‘Buen maasaak ponn ni ki ti tun man. Naah tun pu na, m ga pa nimi kina la.’

Tibɔnyaan ti Luk ŋmee ti na 19:15

“Le u jin nnaan ngbaan, le ki gir kun, ki yin waatutum bi u nan tii bi ŋimombil ngbaan na, ke bi dan u chee, aan u lik bimɔk aah tiir kitiir ki kan tinyoor pu na.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”