Kolosiya 3:2 - Uwumbɔr aagbaŋ

² Ni li dakl tiwan ni bi paacham na aabɔr, ki di cha tiwan ni bi kitiŋ do na.

UWONBƆR A GBƆNPƆŊ LIKƆƆNL

² Ni ta ni potiɛl ki ŋa paab a naam a wann bu-u, ki laa ta ni potiɛl ki ŋa dulinya nan a wan yɔɔr bu.

Kolosiya 3:2 ပူးပေါင်းရင်းမြစ်များ

1 Bibɔrb Aabɔr 22:19

Kina pu na, li dii man Tidindaan Uwumbɔr ni nisui mɔmɔk. Piin man Uwumbɔr Aadichal aamaam, aan ki ŋmaa di Uwumbɔr Aakaal Aadakaa, ni tiwan ni mɔmɔk ye waadoon aawan ki bi chain na siin li ponn ni.”

1 Bibɔrb Aabɔr 29:3

M ki tii ni jer nimina mɔmɔk na, nima le ye tikunabr ni salmaa. Maah gee Uwumbɔr Aadichal sakpen pu na, le m nyan nima mbaa aawan ponn ni tii.

Ilahn 62:10

Taa tii mbimbinpɔɔl naadii; taa li mak ke nnaayupɔɔn ga tii si tinyoor tibaa; hali saawangol yaa moo kpae kan, taa li ka nyiibaa li pu.

Ilahn 91:14

Uwumbɔr bui ke, “M ga gaa binib bi gee mi na lii, ki li kii binib bi nyi mi ke m ye Uwumbɔr na.

Ŋiyataŋak 23:5

Saamombil ga ŋmaa fii ke ŋaah kpa ifeen ke likaagiil na la, ki cha si.

Ulandaan 7:14

Tiwan yaa laa ŋan tii si kan, li kpa mpopiin, le tibɔr yaa nan dan kan, teer ke Uwumbɔr le joo ni mpopiin ni tibɔr mu. Saan ŋmaa bee tiwan ni mu ga ki ŋa na.

Matiu 16:23

Le Yesu fenn lik Piita le ki bui u, “Kinimbɔŋ, siir foor m chee. Aa ye lisugeln la, le ki lek mi nsan. Aa dak ke unibɔn aah dak pu na la, kaa dak ke Uwumbɔr aah dak pu na.”

Matiu 6:19

“Ni taa kuun liwankpal bil dulnyaa wee ni. Idundur ni ŋipulaaleen ga bii ni. Binaayukb mu ga loon koo ni ki nan sun ni.

Tibɔnyaan ti Luk ŋmee ti na 12:15

le ki tuk kinipaak ngbaan, “Ni li nyi man ki taa li kpa iniman. Unii yaa kpa liwangol li wiir na kan, nima le aan tii u limɔfal.”

Tibɔnyaan ti Luk ŋmee ti na 16:11

Ni yaa kaa joo dulnyaa wee ni aawankpal mbamɔm kan, ŋma ga di Uwumbɔr aatuln ŋa aaŋaal ni?

Filipi 1:23

nkun ni limɔfal mɔmɔk ŋan la. M ban ke m nya dulnyaa ni, ki ti li bi Kristo chee; ba pu? nima le ga li ŋan sakpen ki jer naah ŋan pu dulnyaa wee ni na.

Kolosiya 3:1

Ni kpaan fikr Kristo chee la. Nima pu na, cha nitafal li bi paacham aawan ni. Kristo bi nima ki ka Uwumbɔr aaŋangii wɔb.

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.