Kolosiya 3:1 - Uwumbɔr aagbaŋ

¹ Ni kpaan fikr Kristo chee la. Nima pu na, cha nitafal li bi paacham aawan ni. Kristo bi nima ki ka Uwumbɔr aaŋangii wɔb.

UWONBƆR A GBƆNPƆŊ LIKƆƆNL

¹ Mambu, ni nan fii nin Yisa nkumin na, ni ta ni sufu ki sei paab a naamin a wan yɔɔrin na, nan yaan wee Yisa ka Uwonbɔr a nɔɔjiim paamin.

Kolosiya 3:1 ပူးပေါင်းရင်းမြစ်များ

Ilahn 110:1

Uwumbɔr bui ndindaan ke, “Kaln ŋŋangii wɔb ki ti saa buyoonn m ga di saadim mɔmɔk ŋa aataapɔtan ni na.”

Ilahn 16:11

Aa ga mɔk mi limɔfal aasan; saah bi m chee pu na le gbiini mi mpopiin, ki joo ni mi mmɔɔn n‑yoonn mɔmɔk.

Ŋiyataŋak 15:24

Bilandam aasan cha paacham limɔfal chee la, naa ye nsan mu cha taab nkun ni na.

Ulandaan 10:2

Ni ye Uwumbɔr do aawan le ke ulandaan tun litunyaan, le ujɔr mu tun ni kaa ŋan na.

Matiu 22:44

‘Uwumbɔr bui Ndindaan ke: Kal ŋŋangii wɔb, ki ti saa buyoonn m ga nyaŋ saadim mɔmɔk na.’

Matiu 26:64

Le Yesu bui u, “Ni ye saah len pu na. M tuk nimi la, n‑yoonn mu choo na, ni ga kan min Unibɔn Aabo ka Uwumbɔr aaŋangii wɔb, ki ga kan mi ntaalangbam ni paacham ki choo.”

Matiu 6:20

Ni di liwankpal bil Uwumbɔr do. Idundur ni ŋipulaaleen aan bii li nima. Binaayukb mu aan koo ni nima ki nan sun li.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Tibɔnyaan ti Mak ŋmee ti na 12:36

Uwumbɔr Aafuur Nyaan nan cha Ubɔr David ubaa len ke, ‘Uwumbɔr bui Ndindaan ke: Kal ŋŋangii wɔb ki ti saa buyoonn m ga nyaŋ saadim mɔmɔk na.’

Tibɔnyaan ti Mak ŋmee ti na 14:62

Le Yesu bui ke, “M ye. Ni ga kan min Unibɔn Aabo ka Uwumbɔr aaŋangii wɔb. Ni ga kan m bi ntaalangbam ni paacham ki choo.”

Tibɔnyaan ti Mak ŋmee ti na 16:19

Tidindaan Yesu aah len bi chee tibɔr doo na, le Uwumbɔr di u buen paacham, le u ti kal uŋangii wɔb.

Tibɔnyaan ti Luk ŋmee ti na 12:33

Ni kooh naah kpa tiwan ni na man, ki di ŋimombil ngbaan tii bigiim, aan ki li kpa ŋimombil ŋi kaan doo na. Ni ga li kpa liwankpal li kaan doo na paacham. Unaayuk ubaa aan buen nima. Ŋikpaambil aan li bi nima ki bii ni.

Tibɔnyaan ti Luk ŋmee ti na 20:42

David ubaa nan len Uwumbɔr aalahn aagbaŋ ponn ni ke, ‘Uwumbɔr bui Ndindaan ke: Kal ŋŋangii wɔb,

Tibɔnyaan ti Luk ŋmee ti na 22:69

Dandana ki joo cha, min Unibɔn Aabo ga kal Uwumbɔr u yeh mpɔɔn mɔmɔk na aaŋangii wɔb.”

Lituln 2:34

David aa nan buen paacham. U mu nan len ke, ‘Uwumbɔr bui Ndindaan ke: Kal ŋŋangii wɔb,

Lituln 7:55

Le Stiifen u Uwumbɔr Aafuur Nyaan gbii u na, waan lik paacham, le ki kan Uwumbɔr aah wiin chain pu na, le ki kan Yesu si uŋangii wɔb.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Rom Yaab 8:6

Binib bi aatafal bi mbimbikpok aabɔr ni na ga kpo la. Binib bi aatafal bi Uwumbɔr Aafuur Nyaan aabɔr ni na ga kan limɔfal, ni nsuudoon.

2 Korenti 4:18

Titafal aa bi tiwan ni ti waa ni na ni, titafal bi taah kaa waa tiwan ni na le ni. Taah waa tiwan ni na aan li bi n‑yoonn mɔmɔk. Taah kaa waa tiwan ni na, nima le ga li bi n‑yoonn mu kaa kpa ndoon na.

Efesusi 4:10

U sunn ni kitiŋ kee pu na mu ye u buen paacham na, ki bi ŋipepel mɔmɔk, ki ye dulnyaa wee mɔmɔk, ni paacham mɔmɔk Aayidaan.

Efesusi 5:22

Bipiib, ni li keei nichatiib aamɔi, ke naah kii Tidindaan aamɔb pu na;

Kolosiya 2:20

Ni nan kpo Kristo chee la, nima le ni nyan kinimbɔŋ ki joo dulnyaa na aapɔɔn ni. Nima pu na, ba ŋa nimi aabimbin bi ke naah beenin ye dulnyaa yaab le na? Ba ŋa ni kii nkaal mu len ke,

Kolosiya 3:2

Ni li dakl tiwan ni bi paacham na aabɔr, ki di cha tiwan ni bi kitiŋ do na.

Hiibru Yaab 1:13

Uwumbɔr nan bui Ujapɔɔn ke, “Kal ŋŋangii wɔb, ki ti saa buyoonn m ga nyaŋ saadim mɔmɔk na.” Tɔ, Uwumbɔr aa nan bui waatuun ubaa kina.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Hiibru Yaab 10:12

Yesu Kristo toor kookoo aatork titunwanbir pu nfum mbaa, le ki kal Uwumbɔr aaŋangii wɔb.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.

Hiibru Yaab 8:1

Maah len pu na aayil le ye ke ti kpa utotoorninkpel wee aaboln. Uma le ye Yesu Kristo u ka Uwumbɔr u yeh mpɔɔn mɔmɔk na aabɔrjal aaŋangii wɔb paacham na.

1 Piita 3:22

Yesu Kristo nan buen paacham ki ti bi Uwumbɔr aaŋangii wɔb. Le Uwumbɔr di waatuuntiib, ni paacham yaab, ni kinimbɔŋ ni kaapɔɔn mɔmɔk ŋa Yesu Kristo aaŋaal ni.