Kolosiya 2:16 - Uwumbɔr aagbaŋ

¹⁶ Nima pu na, ni taa cha ubaa galn nimi tijikaar aakoobil pu, bee tiwanyukaan aakoobil pu, bee likpaakool daal aakoobil pu.

UWONBƆR A GBƆNPƆŊ LIKƆƆNL

¹⁶ Mambu, ni laa che uba n ji ni tibɔr naah ji tijiir tan bee naah nyu nan bu bee ki jiin liwonjiɛnl a chiig paam bee uŋmapɔɔn a chiig bee likpakɔɔl daal a chiig bu.

Kolosiya 2:16 ပူးပေါင်းရင်းမြစ်များ

2 Bibɔrb 4:23

Le uchal baa u ke, “Ba ŋa aa ban aa buen din wee? Naa ye Likpaakool daal, kaa ye Uŋmapɔɔn Aajim aayoonn mu.” Le u gar u ke, “Taa cha ni muk si.”

1 Bibɔrb Aabɔr 23:31

ni n‑yoonn mumɔk bi di ipiin see mmii ni tii Uwumbɔr, Likpaakool daal, ni Uŋmapɔɔn aajim daal, ni njim mu mɔmɔk gur na aayoonn na. Bi nan siin ikaal ki mɔk Liifai aanib aah ga li wiir pu ki tun lituln mɔk aabɔŋ n‑yoonn n‑yoonn na. Liifai yaab aatuln le nan ye ke bi li dooni Uwumbɔr n‑yoonn mɔmɔk.

2 Bibɔrb Aabɔr 31:3

U nan nyani ubaa aawakor le tii aan bi joo toor kichakpiik ni, ni kijook mɔk aatork ki bi joo seer mmii ni na, ki kpee Likpaakool daal, ni Uŋmapɔɔn Aajim aatork, ni njim muken na aatork, Uwumbɔr Aakaal aah mɔk pu na.

Nehemia 10:31

Biwɔwɔm yaa joo tijikaar bee tiwan nimɔk Likpaakool daal, bee nwiin mumɔk bi chain na, ke bi nan kooh ti pu na kan, taan daa ni. Libiln lolole mɔk ni kan, ti ga di timi aasar aatim lii ki taa ko mu, ki di cha pinn bi mɔmɔk joo timi aapɔn na mu, bi taa ki pa timi.

Nehemia 10:33

Uwumbɔr Aadichal ponn ni aadoon pu, ti ga tii tiwan nimina: boroboro u bi joo tii Uwumbɔr na, ni iwiin mɔmɔk aajikaabim aapiin, ni tiwakor ti bi ga di toor kitork ki see mmii ponn ni na, ni Ŋikpaakoo daal aatork ki bi chain na, ni Uŋmapɔɔn daal aatork aajim, ni njim mu gur na, ni ntoorm mɔmɔk mu gur ki bi chain na, ni kitork ki bi toor Israel yaab aatunwanbir pu na pu, ki kpee tiwan nimɔk bi ban Uwumbɔr Aadichal ponn ni na.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Ilahn 81:3

Pii kakaan njim ngbaan pu, uŋmapɔɔn aayoonn, ni uŋmapiin aayoonn.

Aisaya 1:13

Nimi aapiin i ni joo ni na aa kpa tinyoor tibaa. Naah seer tulalee aayon mu na kpa mi liŋuul la. Nimi aaŋmapɔɔn aajim, ni nimi aakpaakool daal aajim, ni naah kuuni pu na, maa gee ni, ni di nimi aatunwanbir bii ni mɔmɔk a.

Esekiel 4:14

Le m nan gar ke, “Ndindaan Uwumbɔr, maa kii, maa kee bii mbaa daalbaadaal. Maah fii ubo na, maa kee ŋman kiwakork ki kpo na, bee upeel aah chuu ki na. Maa kee jin tijikaar ti kɔ na.”

Esekiel 45:17

Ni ye uma le aatuln ke u ban tiwakor ti bi ga di see mmii ni timɔnn na, ni njikaabim aatork, ni ŋisubil aadaan aapiin i bi ga di toor Israel aatimbol mɔmɔk pu Uŋmapɔɔn Aajim ni, ni Likpaakool aawiin aatork, ni njim muken aatork ni na. Uma le ga ban titunwanbir aatork, ni njikaabim aatork, ni kitork ki bi ga di see mmii ni na, ni kimɔbaan aatoor, ti ga nyan Israel aanib aatunwanbir na.”

Liifai Yaab 16:31

Liyaadaal ngbaan ye chain chain aawiin la. Ni lul bumɔb liyaadaal ngbaan, ki taa tun lituln libaa. Ni li joo ikaal ngbaan ki cha n‑yoonn mɔmɔk.

Amos 8:5

Ni bui nibaa ke, “Taan ŋmaa kiir ke iwinyaan daal ti jer waahr aan ti nin kooh timi aajikaar. Bayoonn aan likpaakool aawiin ga doo, aan ti ki piin ki kooh timi aawan, ki cha ti tii kidaak ki pɔɔ na, ki di tiwaŋaŋkaan ni kaa ye nibamɔnn na di ŋaŋ ki ji biwandaab?

Nkahm 10:10

Ni yaa ti ki ye nimi aapopiin aayoonn, mu ye Uŋmapɔɔn aajim, ni nimi aatoorkpaan aajim muken na kan, buyoonn ni ban ke ni toor kitork ki bi joo seer mmii ni na, ni kimɔbaan aatork tii mi na, ni pii kakaan tiib ngbaan, le m ga ter nimi. Min le ye Nidindaan Uwumbɔr.”

Matiu 15:11

Tijikaar ti koo unii aamɔb ni na aan ŋmaa ŋa u titunwanbirdaan. Tiwan ni nyan umɔb ni na, nima le ŋani u titunwanbirdaan.”

Tibɔnyaan ti Mak ŋmee ti na 7:19

Waah ji ni na aa koo usui ni. Ni koo lipuul ni la, le u ti sɔnn.” Yesu aah len kina na, ni mɔk ke tijikaar tibaa aa kɔ.

Lituln 15:20

Cha ti ŋmee kigbaŋ tii bi, ki tuk bi ke bi taa ki ŋmɔ kitork aanann, ki taa ki gɔr kidagook, ki taa ki ŋmɔ tiwan ni bi tab ku ni na, ki taa ki ŋmɔ nsin.

Rom Yaab 14:10

Sin, ba ŋa aa galn aana aabo? Sin, ba ŋa aa lik aana aabo fam? Ti mɔmɔk ga sil Uwumbɔr aanimbiin ni, le u ji timi tibɔr.

Galantiya 4:10

Ni joo nwiin aakpaakool, ki joo uŋmal mu aakpaakool, ki joo libiln mu aakpaakool la.

Kolosiya 2:20

Ni nan kpo Kristo chee la, nima le ni nyan kinimbɔŋ ki joo dulnyaa na aapɔɔn ni. Nima pu na, ba ŋa nimi aabimbin bi ke naah beenin ye dulnyaa yaab le na? Ba ŋa ni kii nkaal mu len ke,

Hiibru Yaab 13:9

Ni taa dii mmɔkm yayan aabɔŋ aabɔŋ ki yenn. Ni ŋan ke nisui doon Uwumbɔr aaterm pu, naa ye tijikaar pu. Binib bi kɔ tijikaar tibaa ki ji tiken na, naa ŋa bi tinyoor.

Hiibru Yaab 9:10

Nkaalkpok ngbaan mɔk bi tijikaar ni tiwanyukaan ni kɔ na, ni ni kaa kɔ na, ki mɔk bi baah ga finn bibaa ki ŋa chain pu na. Ni nan mɔk ke see bi dii kina le ki nan saa buyoonn Yesu ga joo ni nsanpɔɔn mu ŋan na.

Jemisi 4:11

Nnaabitiib, ni taa bii tɔb. Unii yaa bii una aabo ki yaa galn u kan, u bii Uwumbɔr aakaal ki galn mu la. Aa yaa galn nkaal ngbaan kan, saa ye unii u ŋani nkaal aah len pu na, aa ye unii u galni mu la.

1 Samuel 20:18

Le Jonatann bui u ke, “Fen aah fe ye Uŋmapɔɔn aajim na, aa yaa kaa fe bi kan, bi ga bee.

1 Samuel 20:5

Le David bui u ke, “Fen le fe ye Uŋmapɔɔn Aajim, le ni ŋan ke m ji mu ubɔr chee. Ni yaa ga li ŋan aa chee kan, m ga buen ti bɔr ikpaakon ponn ni, ki ti saa daalpu aajook.