Kolosiya 2:11 - Uwumbɔr aagbaŋ

¹¹ Naah kpaan Kristo ni na, le ni bi ke binib bi gii ŋichakpan na; ni mu aa ye ŋichakpan le ni gii, ni ye nimi aabimbikpok le ni gii lii. Ni ye Kristo aah gii pu na la.

UWONBƆR A GBƆNPƆŊ LIKƆƆNL

¹¹ Masiya ni le ni kan lipunjiil, ki nyan tibir a binbemin, naa ye lipunjiil lan wee bininfosaalib ta bi nɔɔi ki jii amaa Masiya le jii ni

Kolosiya 2:11 ပူးပေါင်းရင်းမြစ်များ

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Tibɔnyaan ti Mak ŋmee ti na 14:58

“Ti ŋun u len ke u ga gbaa wii Uwumbɔr Aadichal li binib maa li na, ki ki maa liken li binib aa maa li na, iwiin itaa.”

Tibɔnyaan ti Luk ŋmee ti na 2:21

Ubo ngbaan aawiin iniin daal le ni ŋeer bi gii uchakpaln. Le bi yin u ke Yesu. Buyoonn Mari aa nan kee dek lipuul na, le Uwumbɔr aatuun ngbaan nan bui u ke bi yin u kina.

Lituln 17:24

Uwumbɔr nan naan dulnyaa wee, ni tiwan nimɔk bi ni ponn ni na. Uma le ye paacham ni taab Aadindaan. Waa bi liwaal aadiik ni.

Lituln 7:48

“Tɔ, Uwumbɔr u kaa kpa ŋeen aatɔ na aa bi binib aah maa ŋidichal ŋi na ponn ni baanja. Uwumbɔr aabɔnabr nan len ke Uwumbɔr len ke,

Rom Yaab 2:29

Unii u gii lichakpaln, kaa kpeln waabimbin na aa piir Uwumbɔr aasui. Unii u dii Uwumbɔr usui ni na, uma le ye Juu aanibamɔnn. Unii u Uwumbɔr Aafuur Nyaan bi u ni na, nima le ye lichakpangeei bamɔnn. Uwumbɔr le ga pak udaan, naa ye binib.

Rom Yaab 6:6

Ti bee ke baah kpaa u ndɔpuinkoo pu na, bi kpaa timi aabimbikpok mu u chee, ke mbimbikpok mu kaa ŋan na taa ki li bi, aan ti taa ki li ye titunwanbir aanaagbiib.

Rom Yaab 7:24

M kpa kinimbaak. Titunwanbir bi tiwon tee ni, ki ga ku mi. Ŋma ga nyan mi titunwanbir ngbaan ni?

2 Korenti 5:1

Tɔ, ti nyi ke tiwon timina yaa kpo kan, tiwon ti ga li bi n‑yoonn mu kaa kpa ndoon na bi paacham. Uwumbɔr le toor tiwon ngbaan ki tii timi.

2 Korenti 5:17

Nima pu na, unii umɔk kpaan Kristo chee na, u ye unipɔɔn la. Udaan aabimbikpok jer a, ki kpeln mbimbipɔɔn.

Galantiya 2:20

M nan kpo Kristo chee ndɔpuinkoo pu, le m mu beenin fu; naa ki ye min Pɔɔl le fu. Kristo le fu m ni. Uma Uwumbɔr Aajapɔɔn u gee mi ki nan kpo m pu na, uma le m gaa u ki kii, nima pu le m bi.

Galantiya 5:24

Binib bi ye Yesu Kristo aanib na, bi yii baabimbikpok aah ban pu na mɔmɔk, ki di mbimbikpok ngbaan kpaa Yesu aadɔpuinkoo pu.

Efesusi 4:22

Nima pu na, ni di cha nimi aabimbikpok mu kaa ŋan na. Mbimbikpok ngbaan nan cha ni ban tiwan ni kaa ŋan ki ŋmanni nimi na la. Ni taa ki li dii naah nan dii pu na man.

Ikaal 10:16

Nima pu na, n‑yoonn mue ki joo cha, ni kii Uwumbɔr aamɔb, ki di cha nimi aatafalaaŋun ngbaan.

Ikaal 30:6

Nidindaan Uwumbɔr ga tii nimi ni niyaabitiib nsui mu kpa limɔkiir na, nima kan, ni ga li gee u nisui ni mbamɔm, ki li bi kitiŋ ngbaan ni.

Filipi 3:3

Timi bi kpaan Uwumbɔr Aafuur Nyaan chee ki pak u, ki kpa kipupuk Yesu Kristo pu, ki bee ke taan ŋmar tibaa aapɔɔn pu na, timi le kpa lichakpangeei bamɔnn.

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

Hiibru Yaab 9:11

Dandana wee Kristo fuu ni a, ki ye utotoorninkpel, ki joo ni nsanyaan mu bi nan len ke mu ga fuu ni na. Waa koo ni libool li binib ŋa li dulnyaa wee ni na. U dii lipepel li jer dulnyaa wee aabool ngbaan na,

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.