Juud 1:8 - Uwumbɔr aagbaŋ

⁸ Le bibiindam bi bi nikaasisik ni na aa gar nsurm ngbaan. Bi mu ŋani ke binib ngbaan aah nan ŋani pu na la. Bi len ke bi daŋ tidaŋ ti mɔk bi ke bi gɔr kidagook, ki seei Uwumbɔr aatuuntiib, ki taa kii unii ubaa aamɔb na.

UWONBƆR A GBƆNPƆŊ LIKƆƆNL

⁸ Man mu jigin, ban dɔgin man nmɔn bii bi baantɔɔl a gbanann le, le ki yiin tininkper a pɔɔm, ki jɔɔ kutingbiig ki tenn paab a wann naan wann tan fo.

Juud 1:8 ပူးပေါင်းရင်းမြစ်များ

Mpiin 3:5

Uwumbɔr nyi ke ni yaa jin ŋi kan, ninimbil le ga woln, le ni ga bee ni ŋan na, ni ni kaa ŋan na, ki ga li bi ke waah bi pu na.”

Nnyam 22:28

“Ni taa len Uwumbɔr tibɔbir, ki taa puun lii nimi aaninkpel ubaa pu.

Ŋiyataŋak 30:11

Binib bibaa bi, ki puuni lir bitetiib pu, kaa neen binatiib mu.

Ŋiyataŋak 30:17

Unii umɔk ŋani ute yaansara na, ni unii umɔk lik una fam waapininkpir ni na ŋan ke nangba tiib le ji u, le ikaabɔn mu gaa lokr unimbil.

Ulandaan 10:20

Taa loon ki su ubɔr aapuwɔb, ki taa koo saadiik ni ki su unii u ye uwankpadaan na aapuwɔb. Nibaakan, unyoon le ga di tibɔr ngbaan buen ti tuk bi saah len pu na.

Nkahm 16:3

Bi nan kuun sil Moses ni Aaronn chee, le ki bui bi ke, “Ni yoor nibaa paacham ki ti chaar jer a. Uwumbɔr le yeh binib ngbaan mɔmɔk, le ki bi ti mɔmɔk ubaabaa chee. Nima pu na, ba ŋa si Moses dak ke aa ŋan jer Uwumbɔr aanib ngbaan mɔmɔk, aan ki yoor aabaa paacham sakpen kina?”

Tibɔnyaan ti Luk ŋmee ti na 11:25

Le ti ga gir ni ki nan kan ke bi toor taakookoo yaan, le ni ŋan.

Tibɔnyaan ti Luk ŋmee ti na 12:11

“Bi yaa chuu nimi, ki di ŋa mmeen aadir ni, bee ntim aaninkpiib aanimbiin ni, bi ti ji nimi tibɔr kan, ni taa baa nisui ni ke ni ga len kinye aan ki nyan nibaa tibɔr ni.

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Lituln 23:5

Le Pɔɔl len ke, “Nnaabitiib, maa nyi ke u ye Uwumbɔr aatotoorninkpel. M yaa ba nyi kan, maa ba ga len kina; ba pu? ni ŋmee Uwumbɔr Aagbaŋ ni ke, ‘Taa len saanib aaninkpel tibɔbir.’”

Lituln 7:27

Le unii u ŋa uŋeen aatɔ bakaa na nan tur Moses foor bibaa chee, ki bui u, ‘Ŋma ŋa si timi aayidaan ni ubɔjir?

Lituln 7:39

“Le tiyaajatiib aa gee ke bi kii waamɔb. Bi yii u, ki ban ke bi ki labr buen Ijipt aatiŋ ni,

1 Korenti 3:17

Unii yaa bii Uwumbɔr aadiik kan, Uwumbɔr ga bii udaan ngbaan. Ba pu? Uwumbɔr aadiik bi chain la. Nimi le ye kidiik ngbaan.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

1 Timoti 1:10

ni binib bi gɔr kidagook na, ni bijab bi yii bipiib ki ban bijab na, ni binib bi chur biken tinaagbiir na, ni binib bi chuun mɔni inyamɔn na, ni binib bi puur Uwumbɔr yɔl yɔl na, ni binib bi ŋani tiwan ni kaa dii mmɔkm mu ŋan na. Nkaal ngbaan bi titunwanbir timina mɔmɔk pu la.

Hiibru Yaab 13:17

Ni li keei nimi aayidam aamɔi man, ki taa kpak bi. Bitafal bi ni ponn ni, ke ni dii Uwumbɔr aasan mbamɔm. Bi nyi ke see bi mɔk Uwumbɔr baah nan joo nimi pu na. Ni yaa keei baamɔi kan, bi ga li kpa mpopiin, le ki joo nimi. Ni yaa kaa keei baamɔi kan, bi ga li kpa mpombiin, le ki joo nimi. Nima le aan ŋa nimi tinyoor.

1 Piita 2:17

Ni li pak binib mɔmɔk, ki li gee binib bimɔk dii Yesu aasan na, ki li san Uwumbɔr, ki li pak ubɔrkpaan na.