Juud 1:19 - Uwumbɔr aagbaŋ

¹⁹ Binib ngbaan yakr Yesu aanib la, ki dii bisui aah gee pu na, kaa kpa Uwumbɔr Aafuur Nyaan.

UWONBƆR A GBƆNPƆŊ LIKƆƆNL

¹⁹ Bi ma ye bininfob ban bɔgir ni, ki nɔɔ bi gbanann kaah ban man wee kaa jɔɔ Kinaaŋin.

Juud 1:19 ပူးပေါင်းရင်းမြစ်များ

Ŋiyataŋak 18:1

Binib bi kaa gee kaa biken chee na aatafal aa bi biken aabɔr ni; bi ga yii tiwan ni binib biken nyi ke ni ye tiwanyaan na.

Aisaya 65:5

le ki bui ke, ‘Taa mar ti chee; ti bi chain jer si, aa kpa tijɔŋ, taa meeh timi.’ Le m bui ke, ‘Min ni binib ngbaan aaboln aan kpaan, m gee liŋuul li bi ke mmii mu kaan junn na le bi pu.’

Esekiel 14:7

“N‑yoonn mumɔk Israel aanii ubaa, bee biwɔwɔm bi koo Israel yaab chee na aanii ubaa yaa fenn upuwɔb tii mi ki dooni ŋiwaa, ki yaa ki buen maabɔnabr chee kan, min Uwumbɔr ga tii u ngarm.

Hosea 4:14

Nimi ni bipiib bi bi nimi aawaadir ni na aah tun kidagook aatuln ki toor tijɔŋ aatork na pu, le maan daa nibisatiib ni nibipuutiib aatafal. Liyataŋakl libaa le len ke, ‘Binib yaa bi kaa kpa nlan kan, bi wɔŋ la.’

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Rom Yaab 8:9

Tɔ, Uwumbɔr Aafuur Nyaan yaa bi ni ni kan, naa dii mbimbikpok aah ban pu na, ni dii Nfuur Nyaan aah ban pu na la. Kristo Aafuur Nyaan yaa kaa bi unii ni kan, udaan ngbaan aa ye Kristo yoo.

1 Korenti 2:14

Unii u kaa kpa Uwumbɔr Aafuur Nyaan na, u yii Nfuur Nyaan aabɔr, ki dak ke Nfuur Nyaan aabɔr ye kijɔrk aabɔr la. Uwumbɔr Aafuur Nyaan le cha binib bee mu aabɔr. Nima pu na, unii u kaa kpa Uwumbɔr Aafuur Nyaan na aa ŋmaa bee mu aabɔr.

1 Korenti 6:19

Naa nyi ke nimi aawon ye Uwumbɔr Aafuur Nyaan aadiik la aa? Uwumbɔr tii nimi Waafuur Nyaan, le mu bi ni ni.

Hiibru Yaab 10:25

Cha ti li beenin kuuni tɔb chee ki ti dooni Uwumbɔr man, ki taa di cha, ke binib bibaa aah di cha pu na. Ni li pɔɔni tɔb aataakpab man. Ni kan ke bundaln Yesu Kristo ga gir ni na peen ni. Nima na, ni li moo pɔɔni tɔb aataakpab man.

Jemisi 3:15

Nlan mumina aaboln aa nyan ni Uwumbɔr chee. Mu ye dulnyaa wee ni aalan la. Naa ye Uwumbɔr Aafuur Nyaan aalan. Mu ye kinimbɔŋ aalan la.