Josua 9:21 - Uwumbɔr aagbaŋ

²¹ Cha bi li bi man, bi mu ga li peei idɔ, le ki lu nnyun tii timi.” Kina le bininkpiib ngbaan nan len.

Josua 9:21 ပူးပေါင်းရင်းမြစ်များ

Jeremia 46:22

Ijipt aajab san, le baadim aajab aah choo na, bi fuuni ke iwaa na. Bi nan di nchɔkm le tak ki ke bijab aah bi gaar isui

Ikaal 29:10

“Din wee na, ni mɔmɔk, bi ye biyidam, ni bininkpiib, ni bijab,

Ikaal 29:11

ni bipiib, ni mbim, ni biwɔwɔm bi koo ni chee ki peei idɔ ki lu nnyun tii nimi na, ni si Nidindaan Uwumbɔr aanimbiin ni la.

Josua 10:1

Jerusalem aabɔr u bi nan yin u ke Adoni Sedek na, nan ŋun ke Josua ni waanib kuln Ai aanib, ki bii kitiŋ ngbaan, ki ku nima chee aabɔr, ke waah nan ŋa Jeriko aatiŋ pu ki ku kitiŋ ngbaan aabɔr pu na. U nan ki ŋun ke Gibeonn yaab ni Israel yaab ŋa kimɔbaan, le bi koo bi chee.

Josua 9:15

Josua nan cha u ni binib ngbaan kpaan ŋa kimɔbaan, le u ni Gibeonn yaab ngbaan ŋa kijɔtiik, le u cha bi bi, waa ŋa bi nibaa. Israel yaab aaninkpiib nan puu tipuur, ki kii ke bi ga li joo kimɔbaan ngbaan.

Josua 9:20

Taah puu tipuur tii bi ke taan ŋa bi bakaa ubaa na pu, cha bi li bi man; ti yaa yii kan, Uwumbɔr ga daa titafal.

Josua 9:23

Naah ŋa kina na, Uwumbɔr mu ga daa nitafal. Ni ga li ye binaagbiib le n‑yoonn mɔmɔk. Ni ga li peei idɔ ki li lu nnyun ŋani Maawumbɔr Aadichal ni.”

Josua 9:27

U mu nan di bi ŋa binaagbiib la, bi nan peei idɔ, le ki lu nnyun tii Israel yaab, ki lu ŋani Uwumbɔr Aadichal mu ni. N‑yoonn ngbaan kina ki nan saa din, bi laa beenin tun lituln ngbaan, nin chee Uwumbɔr nyan ke bi li dooni u na.