Josua 9:19 - Uwumbɔr aagbaŋ

¹⁹ Le bininkpiib ngbaan giin bui bi ke, “Ti puu tipuur tii bi, timi Israel yaab Aadindaan Uwumbɔr aayimbil pu a. Nima pu na, taan ki ŋmaa ŋa bi bakaa ubaa.

Josua 9:19 ပူးပေါင်းရင်းမြစ်များ

Ulandaan 8:2

Ŋa ubɔr aah len pu na; ba pu? Uwumbɔr nan puu tipuur tii u.

Ulandaan 9:2

Ni mɔmɔk ye tiwanbaan la. Ubimbinyaandaan ni ubiindaan aadoon ye tiwanbaan la, kina le ye ni ki tii uninyaan ni u kaa ŋan na mu. Binib bi dii Uwumbɔr aasan mbamɔm na, ni bi kaa dii kpala na, ni binib bi toor kitork tii Uwumbɔr na, ni bi kaa toor na mɔmɔk aadoon ye mubaa la. Ubimbinyaandaan aa soor utunwanbirdaan. Unii u puur tipuur na aa soor unii u kaa puur tipuur na.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Josua 9:18

Tɔ, Israel yaab aa nan ki ŋman bi ku binib ngbaan; ba pu? baaninkpiib nan puu tipuur bima Israel yaab Aadindaan Uwumbɔr aayimbil pu. Le Israel yaab mɔmɔk ŋulni baaninkpiib ngbaan pu, baah nan ŋa pu na pu.

Josua 9:20

Taah puu tipuur tii bi ke taan ŋa bi bakaa ubaa na pu, cha bi li bi man; ti yaa yii kan, Uwumbɔr ga daa titafal.