Josua 9:14 - Uwumbɔr aagbaŋ

¹⁴ Israel yaab nan gaa baajikaar ti bi tii bi na ngem; baa nan mee Uwumbɔr ki baa u tibɔr ngbaan pu.

Josua 9:14 ပူးပေါင်းရင်းမြစ်များ

2 Samuel 2:1

Nee aapuwɔb, le David baa Uwumbɔr ke, “M ga gir buen Juda aatiŋ kibaa ni ii?” Le Uwumbɔr kii u ke, “Een.” Le David ki baa u ke, “Kilatiŋ?” Le Uwumbɔr bui u ke, “Hebronn aatiŋ.”

2 Samuel 5:19

Le David baa Uwumbɔr ke, “M buen ti tak Filistia yaab aa? Aa ga cha m nyaŋ bi ii?” Le Uwumbɔr kii u ke, “Een, buen ti tak bi. M ga cha aa nyaŋ bi.”

Esra 8:21

Ahafa Aanyunsan ngbaan chee le m nan siin ke ti mɔmɔk lul bumɔb ki sunn tibaa taab, timi Aawumbɔr chee, ki mee u aan u cheen timi lisachuln ngbaan ni, ki li kii timi, ni timi aabim, ni timi aawan mɔmɔk.

Nnyam 28:30

Aa di tiwan ni bi yin ni ke Urim ni Tumim na ki di ŋa kibiŋ aakekengeŋ ngbaan aakpalɔŋ ni, aan nima kan, Aaronn ga li joo ni n‑yoonn mu u ti dan nnimbiin ni na. N‑yoonn mumɔk u choo nnimbiin ni na kan, u li pee kibiŋ aakekengeŋ ngbaan, nima kan, u ga ŋmaa bee maageehn ki tuk Israel yaab.

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

Josua 9:13

Buyoonn ti nan ban ndaan ŋa tiloor timina ponn ni na, ti nan ye tipɔnn la. Lik man, ti kpokr ki cheer a. Le nsan aah daa sakpen pu na, timi aawanpeenkaan ni ŋinaatak kpokr ki char a.”

Bibɔjirb 1:1

Josua aah nan kpo na aapuwɔb le Israel aanib baa Uwumbɔr ke, “Lilanibol ga puen buen ti tak Kanaann aanib.”

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”

1 Samuel 22:10

Ahimelek nan baa Uwumbɔr tii David, le ki tii u tijikaar, ni Filistia aanii Goliaf aajaak aajuk na.”