Josua 8:8 - Uwumbɔr aagbaŋ

⁸ Uwumbɔr aah bui ke ni ŋa pu na, ni yaa nyaŋ kitiŋ ngbaan kan, ni see ki mmii. Naah ga ŋa pu na le na.”

Josua 8:8 ပူးပေါင်းရင်းမြစ်များ

2 Samuel 13:28

Le u sak waatutum ke, “Li lik Amnonn man, le u yaa ti nyun ndaan gbii, aan m tii nimi nsan kan, ni ku u. Ni taa san ijawaan. Ni ga li ye maabɔr la. Ni chuu nibaa ki taa joo beeni.”

Ikaal 20:16

“Nidindaan Uwumbɔr aah joo kitiŋ ki u di tii nimi na, ni yaa nyaŋ ki gaa baatim kan, ni ku unii mɔmɔk.

Josua 1:16

Le bi kii tii Josua ki gar u ke, “Ti ga ŋa saah tuk timi pu na, ki buen saah ga tun timi nin chee na mɔmɔk.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Josua 6:24

Bi nan see kitiŋ ngbaan, le mmii nan gaa tiwan nimɔk nan bi ki ponn ni na, see tiwan ni bi nan di salmaa, ni tikunabr, ni tikumann, ni tikur ŋa ni na, le bi nan yoor buen ti ŋa Uwumbɔr Aabool ni.

Josua 8:13

U nan yakr bijab ngbaan ŋiker ŋilee le bi to butɔb ngbaan, bibaa nan dɔ kitiŋ ngbaan aaŋangan wɔb, le bi gur na dɔ liwilir wɔb. Josua mu nan doon kifataŋ ni, le kitaak ti woln.

Josua 8:2

Naah nan ŋa Jeriko aatiŋ, ni kaabɔr pu na, ni ŋa Ai aatiŋ ni kaabɔr mu kina. N‑yoonn mumina ma kan, ni yaa nyaŋ Ai aatiŋ kan, ni li joo tiwan, ni tiwakor ngbaan mɔmɔk. Ni gor ki mann buen kitiŋ ngbaan aapuwɔb ki ti lir bi.”

Josua 8:22

Israel yaab bi nan nyaŋ kitiŋ ngbaan na dan ki nan kpee Josua ni waanib pu, bi to baadim butɔb. Ai yaab aajab ngbaan nan kan ke Israel yaab mann gob bi a, le Israel yaab nan ku bi mɔmɔk. Ubaa kina aa nan ŋmaa san ŋmar, ubaa aa nan nyan butɔb ngbaan ni,

Josua 8:28

Josua nan see Ai aatiŋ ngbaan mmii, le ki kpaln ŋilangben ŋmeen ki nan saa din.

Josua 8:7

Le ni nyan ni kitiŋ ngbaan aapuwɔb, naah bɔr nin chee na, ki nan lir kitiŋ ngbaan pu, ki ku binib bimɔk gur ki ponn ni na. Nidindaan Uwumbɔr le ga nyaŋ kitiŋ ngbaan tii nimi.

Josua 8:9

Josua nan cha bi buen, le bi buen ti bɔr nima chee, ki gor kii Ai aawilir wɔb, ni bi Ai ni Betel aakaasisik ni na. Le Josua ni bijab bi gur na dɔ baakakaa ni.

Bibɔjirb 4:6

Daalbaadaal le u tun ti yin ni Abinoam aajapɔɔn Barak u nan bi Kedes aatiŋ ki bi Naftali aanibol aatiŋ ni na, le ki nan bui u ke, “Uwumbɔr, u ye Israel yaab Aadindaan na, le di tibɔr tee tuk si ke: ‘Nyan butɔb aajab ŋichur kipiik, Naftali, ni Sebulunn aanibol ponn ni, ki di bi buen Tabor Aajool pu.