Josua 8:31 - Uwumbɔr aagbaŋ

³¹ Uwumbɔr aatutunn Moses aah nan mɔk Israel yaab ke bi maa li pu na, u nan ŋa li kina. Ni mɔk Moses Aakaal ni ke: “Bi di ŋitakpal ŋi baa di tikur aawan nibaa kpii ŋi na ki di maa libimbiln ngbaan.” Bi nan di kitork ki bi joo seer mmii ni na le toor kitork tii Uwumbɔr li pu, le ki mu nan ki toor kimɔbaan aatork li pu.

Josua 8:31 ပူးပေါင်းရင်းမြစ်များ

2 Bibɔrb 14:6

Tɔ, waa nan tee ku baabim ma, u nan dii Uwumbɔr aah nan len pu Moses Aakaal ni na la. Nima le ye ke: “Tetiib ni natiib aan kpo baabim aatunwanbir pu, le mbim mu aan kpo tetiib ni natiib aatunwanbir pu; unii ga kpo uma ubaa aah tun titunwanbir ti na pu la.”

2 Bibɔrb 22:8

Safann nan ti di ubɔr aamɔboln ngbaan tii Hilkia, le Hilkia bui u ke u kan Nkaal aagbaŋ, Uwumbɔr Aadichal ni. Hilkia nan di kigbaŋ ngbaan tii Safann, le u karn ki,

2 Bibɔrb Aabɔr 25:4

Waa nan tee ku baabim ma, u nan dii Uwumbɔr aah nan len pu Moses Aakaal ni na la. Nima le ye ke, “Bi taa ku tetiib ni natiib baabim aatunwanbir pu, ki taa ku mbim mu tetiib ni natiib aatunwanbir pu; bi ga ku unii, uma ubaa aah tun titunwanbir ti na pu la.”

2 Bibɔrb Aabɔr 35:12

le ki yakr tiwakor ti ye ke bi di see mmii ni na tii binib ngbaan, ŋidichal, ŋidichal, aan bi toor kina aatork, Moses Aakaal aah mɔk pu na.

Esra 6:18

Bi nan ki tii bitotoorb ni Liifai yaab Uwumbɔr Aadichal ni aatuln Jerusalem ni, Moses aakaal aagbaŋ aah nan mɔk pu na.

Nehemia 13:1

Bi nan karn Moses Aakaal mpɔɔn pu binib ngbaan aanimbiin ni, ki ti saa nin chee len ke Amonn yaab, ni Moab yaab taa kpaan Uwumbɔr aanib Israel yaab chee daalbaadaal na.

Nnyam 18:12

Jetro nan joo ni kiwakork ki bi ga di ki mɔmɔk see mmii ni na, ni tiwakor tiken, le ki nan toor kitork tii Uwumbɔr; le Aaronn ni Israel yaab aaninkpiib dii u buen, le bi ti jin kitork ngbaan, Uwumbɔr aanimbiin ni.

Nnyam 24:5

U nan tun binachipɔm le bi ti see kitork aapiin tii Uwumbɔr, le ki di inaja toor kimɔbaan aatork mu.

Matiu 12:26

Tiyayaar aayidaan yaa nyan tiyayaar binib ni kan, u jan ubaa kijaak la. Waanaan ga ŋa kinye aan ki sil?

Ikaal 27:2

Bundaal ni puur Jɔɔdann Aamɔɔl doo, aan ki koo kitiŋ ki Nidindaan Uwumbɔr ban u di tii nimi na ni kan, ni ban ŋitakpal ŋi gbei na ŋibaa, ki di ŋi ŋum aan ki pɔ biin ŋi pu,

Ikaal 27:8

Ni ŋmee Uwumbɔr aakaal mɔmɔk, ni li waa chain, ŋitakpal ŋi ni ŋum na pu.”

Josua 1:8

Ni yaa ti ban ni doon mi kan, ni chuu nibaa ki li karni ikaal aagbaŋ ngbaan, ki li bae ikaal ngbaan nwiin pu ni kinyeek, ki chuu aabaa ki kii iliin imɔk bi ki ponn ni na. Nima kan, aa ga kan tinyoor ki li nyaŋni tiwan mɔmɔk ponn ni.