Josua 8:28 - Uwumbɔr aagbaŋ

²⁸ Josua nan see Ai aatiŋ ngbaan mmii, le ki kpaln ŋilangben ŋmeen ki nan saa din.

Josua 8:28 ပူးပေါင်းရင်းမြစ်များ

2 Bibɔrb 19:25

“Saa kee ŋun ke min le kpokl kina n‑yoonn mu jer na, aan ki cha ni ŋa kina dandana aa? M nan tii si mpɔɔn ke aa di labr ntisakpem mu bi maa ŋigon kiir mu na di ŋa ŋilangbentanjal aakpuk.

Aisaya 17:1

Uwumbɔr len ke, “Damaskus aan ki li ye kitiŋ sakpeŋ; ki ga li gur ye ŋilangbentanjal ŋmeen la.

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Jeremia 49:2

Tɔ, n‑yoonn choo, le m ga cha Amonn aatiyil Raba aanib ŋun butɔb aafuuk pu, le ki gur tilangbenn, kaatiwaatiir wu mmii. Le Israel yaab ga ki gaa baatiŋ ki bi nan gaa ki na bi chee.

Jeremia 50:26

Tak ki ŋipepel mɔmɔk. Kuun naah gaa kaawangol li na paan tɔb pu ke njikaabim na. Kuln kitiŋ ngbaan man. Taa di cha tiwan nibaa kina.

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Ikaal 13:16

Ni kuun ni kitiŋ ngbaan aawan mɔmɔk nan kpaan kinyaŋ ni, ki see kitiŋ ngbaan ni kaawan mɔmɔk, aan ni li ye kitork aapiin ki tii Nidindaan Uwumbɔr. Ni cha kitiŋ ngbaan gaar kina ki li ye ŋilangben; ubaa taa ki maa kitiŋ ngbaan daalbaadaal.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

Josua 4:9

Josua nan yoor ŋitakpal kipiik ni ŋilee, bitotoorb aah nan si Jɔɔdann Aamɔɔl aakaasisik ni nin chee ki tu Uwumbɔr Aakaal Aadakaa na, ki ti di bil. Ŋitakpal ngbaan laa beenin bi nima chee ki nan saa din.

Josua 8:29

U nan di Ai yaab aabɔr ngbaan di leen busub pu, le ki cha uwon lee nima ki ti saa kijook wɔb. Nwiin aah cha mu ti lir buyoonn na, le Josua cha bi leer u lii, ki di waawon mee bil kitiŋ ngbaan aabisamɔb. Bi nan kuun ŋitakpal biin u pu, le ŋi beenin dɔ nima chee ki nan saa din.