Josua 8:27 - Uwumbɔr aagbaŋ

²⁷ Israel yaab nan chur tiwakor, ki faa tiwan nimɔk bi kitiŋ ngbaan ni na, ke Uwumbɔr aah nan bui Josua pu na.

Josua 8:27 ပူးပေါင်းရင်းမြစ်များ

Ilahn 50:10

tiwakor timɔk bi kichook ni na ye min yaan la, le inaa imɔk bi ŋigongon ŋichur ŋichur pu na mu ye min yaan.

Nkahm 31:22

Tiwan nimɔk mmii aan ŋmaa wu ni, ni ye salmaa, ni tikunabr, ni tikumann, ni tikur, ni tikur ti bi joo leŋni tiken na, ni tikur ti bi joo doon biini tiwan pu na, ni di pu mmii ni ki ŋa ni chain. Tiwan nimɔk gur na, ni di nnyun mu bi joo ŋani tiwan chain na, ki di finn tiwan ngbaan mɔmɔk ki ŋa ni chain.

Nkahm 31:26

“Aa ni Eleasar, ni biyidam ngbaan mɔmɔk kpaan ki kahn tiwan nimɔk bi jenn gaa na, ki kpee binaagbiib, ni tiwakor mu.

Matiu 20:15

Maa kpa nsan ke m di maamombil ŋa maah gee pu na aa? Maah kpa tibulchinn pu na le cha aa kpa lipiipoln aa?’

Ikaal 3:7

Ti nan chur baawakor, ki yoor tiwan mɔmɔk, ntim ngbaan ni.

Josua 11:4

Bi mɔmɔk nan kuun ni, ki joo ni baajab. Bi nan wiir ke litambol li dɔ nnyun aagbaan na aah wiir pu na la, ki nan kpa itaan ni tɔroku mam.

Josua 8:2

Naah nan ŋa Jeriko aatiŋ, ni kaabɔr pu na, ni ŋa Ai aatiŋ ni kaabɔr mu kina. N‑yoonn mumina ma kan, ni yaa nyaŋ Ai aatiŋ kan, ni li joo tiwan, ni tiwakor ngbaan mɔmɔk. Ni gor ki mann buen kitiŋ ngbaan aapuwɔb ki ti lir bi.”

Josua 8:28

Josua nan see Ai aatiŋ ngbaan mmii, le ki kpaln ŋilangben ŋmeen ki nan saa din.