Josua 8:20 - Uwumbɔr aagbaŋ

²⁰ Le Ai aajab aah fenn lik bipuwɔb na, bi kan ke iŋmanyuu fii baatiŋ ni, ki jon paacham. Baa nan ki nyi baah ga san toŋ nin chee ki ŋmar na, le baah nan san paa Israel yaab bi pu na, fenn ki lir bi pu.

Josua 8:20 ပူးပေါင်းရင်းမြစ်များ

Mpiin 19:28

le ki yaar lik Sodom ni Gomora aatim ngbaan, ni kifataŋ ngbaan mɔmɔk, le ki kan iŋmanyuu feei mu ni, ki naahn kimosakpeŋ aaŋmanyuu aah feei pu na.

Job Aagbaŋ 11:20

Le bibiindam ma ga lik ban ni ntaakpayɔl, ki kan ke ŋŋmarm aa bi. Baamakl libaa li bi na le ye ke nkun ga dan.

Ilahn 76:5

Baajab bi nan kaar na nan lann baawan mɔmɔk ki gur dɔ geen ntekpiigeen; baapɔɔn ni baalan mɔmɔk nan ye fam la.

Aisaya 34:10

Ki ga li gaal mmii nwiin pu ni kinyeek mɔk, le laaŋmanyuu ga fii n‑yoonn mu kaa kpa ndoon na. Kitiŋ ngbaan mɔmɔk pu aan ki li kpa nibaa ki joo cha n‑yoonn mɔmɔk, le unii ubaa aan ki jer nima chee.

Josua 8:19

Le waah yoor uŋaal paacham na, waajab bi nan dɔ bɔɔ na fii mala, ki san koo kitiŋ ngbaan ni, le ki ti nyaŋ kitiŋ ngbaan. Bi nan kpaan see kitiŋ ngbaan mmii.

Josua 8:21

Josua ni waanib aah kan ke bido yaab biken na nyaŋ kitiŋ ngbaan ki see ki mmii na, le bi fenn lir Ai yaab aajab pu ki ku bi.

Tibɔkpiirkaan 18:9

Tɔ, dulnyaa aabɔrb bi nan gɔr kitiŋ ngbaan chee ki jin kaawanyaan na yaa kan mmii gaal kitiŋ ngbaan, ki kan iŋmanyuu fii paacham kan, bi ga li wii ki kaani.

Tibɔkpiirkaan 19:3

Le kinipaak ki bi paacham na ki len ke, “Haleluya. Iŋmanyuu nyan kitiŋ ngbaan ni ki ga fii paacham n‑yoonn mu kaa kpa ndoon na.”

Bibɔjirb 20:38

Israel aajab bi nan sil nyan sil butɔb pu na, ni biken na, nan siin tɔb limɔkl la. Bi nan nyi ke bi yaa ti kan liŋmanyuubɔɔl fii kitiŋ ngbaan ni kan,

Bibɔjirb 20:40

N‑yoonn ngbaan le limɔkl na fii; liŋmanyuubɔɔl nan piin ki bi fii kitiŋ ngbaan ni. Benjaminn aajab nan fenn lik bipuwɔb, le ni gar bi ke baatiŋ gaa mmii a.

Bibɔjirb 20:41

N‑yoonn ngbaan le Israel yaab biken na daa fenn ni, le ijawaan sakpiin nan chuu Benjaminn aajab ngbaan; ba pu? bi nan bee ke Israel yaab biken nan ban bi kuln bi la.