Josua 7:26 - Uwumbɔr aagbaŋ

²⁶ le ki kuun ŋitakpal paan u pu; ŋi beenin dɔ nima ki nan saa din. Nima pu le bi yin nima chee ke Tibɔbir Aafataŋ. Le Uwumbɔr aaŋuul nin sɔŋ.

Josua 7:26 ပူးပေါင်းရင်းမြစ်များ

2 Samuel 18:17

Bi nan chuu nyan Absalom aawon busub pu, ki di mee lii libuul li nyoo na ponn ni, kichook ngbaan ni, le ki peei ŋitakpal ti gbiin li ni. Le Israel yaab mɔmɔk nan san, bimɔk san cha bido bido.

2 Samuel 21:14

Le bi nan ti di Sɔɔl ni ujapɔɔn Jonatann aakpab sub Sɔɔl aate Kis aacheek ni, Sela aatiŋ ki bi Benjaminn aapepel ni na, ki ŋa tiwan nimɔk Ubɔr David nan bui ke bi ŋa na. Nee aapuwɔb, le Uwumbɔr kii baah mee limeel li baatiŋ pu na.

2 Bibɔrb Aabɔr 29:10

“Nima le m ŋa nlandak ke m puu tipuukpaan tii timi Israel yaab Aadindaan Uwumbɔr aan u taa ki gee ti pu liŋuul.

Esra 10:14

Cha timi aaninkpiib gaar Jerusalem ni do, ki lik tibɔr ngbaan ponn ni, le ki nin cha unii umɔk joo uwɔwɔnbo na, ni waayidam, ni waatiŋ ni aabɔjirb dan nwiin mundaal aa ga siin udaan na. Kina le ga cha Uwumbɔr nyan waaŋuul ti pu, tibɔr tee pu.”

Ilahn 85:4

Uwumbɔr u gaal timi lir na, giin ni timi aabaa chee, ki cha aasui li piin ti pu.

Nnyam 32:12

Aa ban ke Ijipt yaab len ke aa nyan ni saanib Ijipt aatiŋ ni, ke aa nan ku bi ŋijoo ŋee ni, ki bii bi kookoo la aa? Cha saaŋuul sɔŋ, ki kpeln saalandak, ki taa bii saanib ngbaan kina.

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Inandalahn 3:53

Bi di mi mee lii mbuu ni le ki di litakpal leŋ mumɔb pu.

Hosea 2:15

M ga ki di waah nan kpa ndaan aasubil aasar ti na tii u, ki cha kifataŋ ki bi yin ki ke Tibɔbir aafataŋ na kpaln limakl aabisamɔb. Waah nan laa ye usapɔɔn, ki nyan ni Ijipt aatiŋ ni ki keei mi pu na, kina le u ga ki kii mi,

Hosea 2:17

Maan ki cha u yin liwaal Baal aayimbil kpala.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Joel 2:18

N‑yoonn ngbaan le Uwumbɔr ki san waatiŋ kinimbaak; u san waanib kinimbaak.

Jona 1:15

le ki yoor Jona di mee ŋa nnyusakpem ngbaan ni. Libuul ngbaan ni le mu doon suuna.

Sekaria 6:8

Le ntuun ngbaan teen yin mi ki bui ke, “Itaan i buen ŋŋangan wɔb na sɔŋ Uwumbɔr aasui a.”

Nkahm 25:8

ki paan uja ngbaan ni upii ngbaan pu kidiik ni, le ki ti saa ku bimɔk bilee tam tɔb. Waah nan ŋa kina na, le iween i nan ku Israel yaab na di cha.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

Josua 10:27

Nwiin aah cha mu ti lir na, le Josua cha bi chuu leer bi, ki di mee lii kitakpaluŋ ki ponn ni bi nan bɔr na. Le bi di ŋitakpasakpiin biin kitakpaluŋ ngbaan aamɔb, le ŋi laa beenin dɔ nima chee.

Josua 7:24

Le Josua ni Israel yaab mɔmɔk kpaan yoor Akann, ni tikunabr, ni libɔkul, ni salmaa ngbaan, ki kpee Akann aabim, ni waawakor, ni waabool, ni tiwan nimɔk u kpa na, ki di buen Tibɔbir Aafataŋ ni.

Josua 8:29

U nan di Ai yaab aabɔr ngbaan di leen busub pu, le ki cha uwon lee nima ki ti saa kijook wɔb. Nwiin aah cha mu ti lir buyoonn na, le Josua cha bi leer u lii, ki di waawon mee bil kitiŋ ngbaan aabisamɔb. Bi nan kuun ŋitakpal biin u pu, le ŋi beenin dɔ nima chee ki nan saa din.