Josua 7:25 - Uwumbɔr aagbaŋ

²⁵ Le Josua bui ke, “Ba ŋa aa joo ni tibɔbir kina ti pu? Dandana wee Uwumbɔr ga joo ni tibɔbir aa pu.” Le binib ngbaan mɔmɔk nan kpaan ki mae ŋitakpal ku Akann, ni waachiln ni aanib, ni waawan mɔmɔk, ki see ni mmii,

Josua 7:25 ပူးပေါင်းရင်းမြစ်များ

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

Mpiin 38:24

Naah ti saa iŋmal itaa aayoonn na, le unii ubaa tuk Juda ke, “Aabipuu Tamar goor kidagook ki kpa lipuul.” Le Juda tii bi nsan ke, “Ni nyan u lipaal ki see mmii ku u man.”

1 Bibɔrb Aabɔr 2:7

Kami aajapɔɔn Akann, u ye Sera aayaabitiib ni ubaa na, nan di tiwan ni bi gaa butɔb ni ki ga di tii Uwumbɔr na ŋa ubaa aawan, le ki joo ni tibɔbir nan lii Israel yaab pu.

Ŋiyataŋak 1:19

Unii umɔk su nnaayupɔɔn na aamɔfal door la. Unii umɔk aabimbin bir na aadoon le ye nkun.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Liifai Yaab 20:14

Uja yaa kpaan joo upii ni una, bi li ye upuutiib kan, ni kpaan see bi mmii ki ku bi, ba pu? bi ŋa inimɔɔn aawan la, ni taa kii kina aabimbin li bi nikaasisik ni.

Liifai Yaab 20:2

“Nimi Israel yaab, bee biwɔwɔm bi koo gbɔk nimi na ubaa yaa di nimi aabo ubaa toor kitork tii Liwaal Molek kan, ni mɔmɔk mee ŋitakpal ki ku u.

Liifai Yaab 21:9

Utotoor aabisal yaa ŋa ubaa udagoor kan, u jinn ute le inimɔɔn; ni see u mmii ki ku u.

Liifai Yaab 24:14

“Cha bi nyan uja ngbaan linampal ki di u buen nibaa chee, ki cha unii umɔk ŋun ke uja ngbaan puun lii Uwumbɔr aayimbil pu na di uŋaal paan uyil paab ki bui ke waabɔr bii, nee aapuwɔb, Israel aanib ngbaan mɔmɔk mae u ŋitakpal ki ku u,

Galantiya 5:12

Cha binib bi muk nimi lichakpangeei pu na lee nyan bibaa aajawan.

Ikaal 13:10

Ni mae ŋitakpal ku u, ba pu? u ban u ŋmann nimi aan ni yii Nidindaan Uwumbɔr u nyan ni nimi Ijipt aatiŋ ni, ki nyan nimi tinaagbiir ni na la.

Ikaal 13:11

Israel yaab mɔmɔk yaa ŋun naah ku u pu na kan, bi ga san ijawaan, le ubaa aan ki ŋa titunwanbir ngbaan aaboln.

Ikaal 17:5

ni nyan udaan ngbaan kitiŋ aagbaan aan ki mee ŋitakpal ku u.

Ikaal 21:21

Bi cha kitiŋ ngbaan ni aajab mɔmɔk mae ŋitakpal ki ku u, nima kan, ni ga nyan titunwanbir kina aaboln nibaa chee. Binib bimɔk bi Israel aatiŋ kee ni na yaa ŋun naah ŋa pu na kan, bi ga san ijawaan.

2 Tesalonika 1:6

Ni ye mbamɔn, Uwumbɔr len ke ni ŋan ke binib bi ŋani nimi falaa na, u mu ŋa bi falaa,

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.

Josua 6:18

Ni taa yoor tiwan ni Uwumbɔr tuk timi ke ti bii na nibaa. Ni yaa yoor nibaa kan, ni ga joo ni tibɔbir Israel yaab pu.

Josua 7:15

upiijoor u m nyan, aan bi kan tijɔŋ aawan ngbaan u chee na kan, bi ga see u ni waachiln ni aanib, ni tiwan nimɔk u kpa na mmii; ba pu? uma le joo ni inimɔɔn sakpiin ngbaan Israel yaab pu, ki bii maah puu tipuur ti na.”

1 Samuel 14:29

Jonatann nan bui ke, “Ba aatusakpeln nte ŋa timi aanib na. Lik nwon aah pɔɔk tisiir ti m jin na pu pu na.