Josua 7:24 - Uwumbɔr aagbaŋ

²⁴ Le Josua ni Israel yaab mɔmɔk kpaan yoor Akann, ni tikunabr, ni libɔkul, ni salmaa ngbaan, ki kpee Akann aabim, ni waawakor, ni waabool, ni tiwan nimɔk u kpa na, ki di buen Tibɔbir Aafataŋ ni.

Josua 7:24 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Job Aagbaŋ 20:15

Ubiindaan wulni liwangol li u nan sun li na la; Uwumbɔr nyani li uponn ni, le ki gaa li.

Nnyam 20:5

Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ulandaan 5:13

Kiwanbiik sakpeŋ ki m kan dulnyaa wee ni na sɔ: binib bilni ŋimombil ki kii n‑yoonn mu bi ga nan ban ŋi na la,

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Hosea 2:15

M ga ki di waah nan kpa ndaan aasubil aasar ti na tii u, ki cha kifataŋ ki bi yin ki ke Tibɔbir aafataŋ na kpaln limakl aabisamɔb. Waah nan laa ye usapɔɔn, ki nyan ni Ijipt aatiŋ ni ki keei mi pu na, kina le u ga ki kii mi,

Josua 15:7

ki yoor ni Tibɔbir Aafataŋ mɔk, ki ti nyan Debir aatiŋ pu, le ki fenn ŋŋangan wɔb ki di kpaa Gilgal aatiŋ, ki ni Adumim Aajool Aasan lik tɔb na, ki bi kifataŋ aaŋangii wɔb na, le ki yoor kina ki buen Ensemes aanyunbun wɔb, ki nyan nima ti pii Enn Rogel,

Josua 22:20

Ni teer Sera aajapɔɔn u bi nan yin u ke Akann na bɔr, u nan yii Uwumbɔr aamɔb le ki yoor tiwan ni ye Uwumbɔr yaan na, le Uwumbɔr nan daa Israel yaab mɔmɔk aatafal, naa nan ye Akann baanja le nan kpo titunwanbir ngbaan pu.”

Josua 6:18

Ni taa yoor tiwan ni Uwumbɔr tuk timi ke ti bii na nibaa. Ni yaa yoor nibaa kan, ni ga joo ni tibɔbir Israel yaab pu.

Josua 6:21

Bi nan di baajum le ki ku bijab ni bipiib mɔmɔk, ni mbim, ni bininkpiib. Bi nan ku inaa, ni ipiih, ni ibon mu.

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

Josua 7:23

Le bi kur nyan ni ni mɔmɔk, ki joo nan tii Josua ni Israel yaab mɔmɔk, le ki di tiwan ngbaan bil Uwumbɔr aanimbiin ni.

Josua 7:26

le ki kuun ŋitakpal paan u pu; ŋi beenin dɔ nima ki nan saa din. Nima pu le bi yin nima chee ke Tibɔbir Aafataŋ. Le Uwumbɔr aaŋuul nin sɔŋ.