Josua 6:27 - Uwumbɔr aagbaŋ

²⁷ Uwumbɔr nan bi Josua chee, le kitiŋ ngbaan ni aanib mɔmɔk ŋun waayimbil pu.

Josua 6:27 ပူးပေါင်းရင်းမြစ်များ

Mpiin 39:21

Tɔ, Uwumbɔr mu nan bi Josef chee ki ŋa u pu tinyoor; nima pu na, unaagbiijool u nan joo bi na nan gee Josef aabɔr pam,

2 Samuel 7:9

Nin chee mɔk aa buen na, m dii si, le ki nyaŋ saadim mɔmɔk buyoonn aa cha bi chee na. M ga tii si liyimbil sakpeln, ke dulnyaa wee aayidam bi kpa mpɔɔn sakpen na.

1 Bibɔrb Aabɔr 14:17

David aayimbil nan yaa ni kookoo, le Uwumbɔr cha ŋitimbol mɔmɔk san u ijawaan.

Esta 9:4

Nnaan ngbaan ni aanib mɔmɔk nan nyi ke Modekai gur ye mpɔɔn aanii le ki bi libɔrchiln ni, le waapɔɔn moo kpae.

Matiu 14:1

N‑yoonn ngbaan le Ubɔr Herod ŋun Yesu bɔr,

Matiu 18:20

Binib bilee, bee bitaa, yaa kuun tɔb chee maayimbil pu kan, m ga li bi bikaasisik ni.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Matiu 4:24

Le waayimbil moon Siria aatim mɔmɔk ni. Le bi joo ni bibum mɔmɔk u chee, binib bi iween aabɔŋ joo bi na, ni binib bi tiyayaar joo bi na, ni binib bi ŋibimbik joo bi na, ni binib bi aawon faan na. Le u cha bi mɔmɔk pɔɔk.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.

2 Timoti 4:22

Tidindaan li bi saawiin chee. Uwumbɔr ŋa tinyoor ŋa ni pu.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.

Josua 9:3

Tɔ, Gibeonn yaab, bi nan ye Hif aanibol na nan ŋun Josua aah nan ŋa Jeriko aatiŋ, ni Ai aatiŋ yaab pu na,

Josua 9:9

Le bi tuk u tibɔr timina: “Uninkpel, ti nyan ni nin chee daa na la. Ti ŋun Nidindaan Uwumbɔr aah bi pu na. Ti ŋun waah ŋa tiwan nimɔk Ijipt aatiŋ ni na,

1 Samuel 18:14

ki kani linyaŋ tiwan nimɔk u ŋa na ponn ni; ba pu? Uwumbɔr nan bi u chee.

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.