Josua 6:26 - Uwumbɔr aagbaŋ

²⁶ N‑yoonn ngbaan le Josua nan puu tipuur ki sak ke, “Unii u ban ke u ki gir maa Jeriko aatiŋ na, Uwumbɔr ga daa utafal. Umɔk ban u ki gir bil kitiŋ ngbaan aadinyikl na ga kɔŋ waajan aabo. Umɔk ban ke u ki gir kpaa kitiŋ ngbaan aabisamɔi na ga kɔŋ waabigbiln.”

Josua 6:26 ပူးပေါင်းရင်းမြစ်များ

1 Bibɔrb 16:34

Waayoonn le Hiel u ye Betel aatiŋ aanii na nan ki gir maa Jeriko aatiŋ. Uwumbɔr aah nan puen cha Nunn aajapɔɔn Josua len Jeriko aatiŋ aabɔr pu na, Hiel aah nan ti bil Jeriko aadinyikl aatakpal doo na le ujapɔpol Abiram kpo, le waah ti ma ibisamɔi na le ujapɔɔn uwaatiir Segub mu kpo.

1 Bibɔrb 22:16

Tɔ, Ahab nan ki bui u ke, “Aa yaa len m chee tibɔr Uwumbɔr aayimbil pu kan, len ibamɔn. Aa ban ke m tuk si kina nfum muŋa?”

2 Bibɔrb 2:4

Le Elaija bui Elaisa ke, “Tɔ, gaar do; Uwumbɔr bui mi ke m buen Jeriko aatiŋ ni.” Le Elaisa gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Le bi nan dii buen Jeriko aatiŋ ni.

Malakai 1:4

Esɔ aayaabitiib, bi ye Edom aanib na, yaa bui ke, “Bi ber timi aatim a, tɔ, ti mu ga ki gir maa mu” kan, le Uwumbɔr ga gar ke, “Cha bi ki maa mu, m ga ki gir ber mu. Binib ga yin ki ke, ‘Titunwanbir aatiŋ,’ ni ‘Litimbol li Uwumbɔr aaŋuul fii li pu kaan sɔŋ na.’”

Matiu 26:63

Le Yesu si ŋmin. Le Uwumbɔr aatotoorninkpel bui u, “Puu Uwumbɔr u fu na pu, aa ye Uwumbɔr Aajapɔɔn Kristo u Uwumbɔr lee u na aan saa ye?”

Lituln 19:13

Tɔ, Juu yaab aanii ubaa mu nan bi nima. Bi yin u ke Skefa. U nan ye Uwumbɔr aatotoorninkpel ubaa la, ki nan kpa japɔtiib bilole. Ujapɔtiib nan chuun chaa ntim ntim ponn ni, ki nyani tiyayaar binib ni. Le bi ban ke bi di Tidindaan Yesu aayimbil nyan tiyayaar uja ubaa ni, le ki bui tiyayaar ngbaan, “M tuk nimi Yesu u Pɔɔl mooni waabɔr na aayimbil pu, nya li cha man.”

Josua 16:7

le ki nyan Janoa nima ki di ti ker Atarof, ni Naara aatim mɔk, ki di ti fuu Jeriko aatiŋ ni, le ki ti doo Jɔɔdann Aamɔɔl chee.