Josua 6:25 - Uwumbɔr aagbaŋ

²⁵ Josua nan gaa pateer Rahab ni waamaal mɔmɔk lii, ba pu? uma le nan di Josua aah nan tun bipepekr bilee bi Jeriko aatiŋ ni na bɔr waadichal ni. Waamaal laa beenin bi Israel yaab chee ki nan saa din wee.

Josua 6:25 ပူးပေါင်းရင်းမြစ်များ

Matiu 1:5

Salmonn mu ma Boas. Una aayimbil nan ye Rahab la. Boas mu ma Obed. Una aayimbil nan ye Ruf la. Obed mu ma Jese,

Lituln 2:21

Liyaadaal ngbaan, unii umɔk mee Uwumbɔr na le ga ŋmar.’”

Hiibru Yaab 11:31

Rahab, u nan ye upiidagoor na, nan gaa Uwumbɔr ki kii, ki chann bipepekb tichann. Waah nan gaa Uwumbɔr ki kii pu na, le baa nan ku u buyoonn bi kuln waatiŋ aanib bi kaa kii Uwumbɔr aamɔb na.

Jemisi 2:25

Kina le Rahab u nan ye upiidagoor na nan chann Josua aatutum tichann, ki tuk bi ke bi dii nsan yayan aan baadim taa kan bi. Nima pu le waabɔr nan ŋan Uwumbɔr chee.

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 2:18

Tɔ, aa mu aah ga ŋa pu na sɔ: n‑yoonn mu ti ban ti jenn gaa nimi aatiŋ ngbaan na kan, aa di tikokomann aaŋmin mue ki di gbin takolu u ti dii nyan na, ki yin ni aate, ni aana, ni aakpetiib, ni aate aamaal mɔmɔk, bi dan aado.

Josua 2:4

Le u giin bui ke, “Mbamɔn, binib bibaa dan ndo. Maa nyi baah nyan ni nin chee na. Nwiin aah cha mu ti lir, baa kee laŋ kitiŋ ngbaan aabisamɔb aajaaleŋ na, le bi nyan ndo. Maa baa bi baah cha nin chee na; ni yaa paan bi pu mala mala kan, ni ga pii bi.” Rahab nan di bipepekr bilee ngbaan di bɔr udo paacham, tichɔnn tibaa ni.

Josua 4:9

Josua nan yoor ŋitakpal kipiik ni ŋilee, bitotoorb aah nan si Jɔɔdann Aamɔɔl aakaasisik ni nin chee ki tu Uwumbɔr Aakaal Aadakaa na, ki ti di bil. Ŋitakpal ngbaan laa beenin bi nima chee ki nan saa din.