Josua 6:23 - Uwumbɔr aagbaŋ

²³ Nima pu na, bi nan nyan ni Rahab, ni ute, ni una, ni uninjatiib, ni waamaal mɔmɔk. Bi nan nyan bi mɔmɔk, ki gaa bi lii, le ki ti di bi kaan gbaŋ bima Israel yaab.

Josua 6:23 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 18:24

Bininyaam yaa pii piiŋmu kan, aa ga bii kitiŋ ngbaan mɔmɔk aa? Saan di cha ki taa bii kitiŋ ngbaan, binib piiŋmu ngbaan pu uu?

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Nkahm 31:19

Nimi bi mɔmɔk ku unii na, ni bi meeh linikpol na, ni taa kun ni linampal, ni kuun ki li bi nibaa chee ki ti saa iwiin ilole. Wintaa, ni winlole daal kan, ni toor ki ŋa nibaa, ni bipiib bi ni chur bi tinaagbiir na chain.

Lituln 10:28

Le Piita bui bi, “Ni nyi ke timi Juu yaab aakaal aa kii ke ti mann binib bi kaa ye Juu yaab na, kaa kii ke ti kpaan bi chee. Le Uwumbɔr mu mɔk mi ke m taa li dak ke unii ubaa kɔ.

Lituln 27:24

ki bui mi, ‘Pɔɔl, taa san ijawaan. Aa ga sil Ubɔrkpaan Siisa aanimbiin ni. Uwumbɔr ga cha binib bimɔk bi buŋɔb bue ponn ni na ŋmar, saanimbaak pu.’

1 Korenti 5:12

Binib bi kaa ye Yesu aanib na, maan siin bi ntafadaan. Naa ye maabɔr. Uwumbɔr le ga siin bi ntafadaan. Binib bi ye Yesu aanib na yaa ŋani ni kaa ŋan na kan, nimi nibaa siin bi ntafadaan man. Nima pu na, ni nya utunwanbirdaan ngbaan nikaasisik ni.

Efesusi 2:12

N‑yoonn ngbaan, naa nan kpaan Kristo chee, kaa nan ye binib bi Uwumbɔr nyan bi na ponn ni bibaa, kaa nan bi tipuur ti Uwumbɔr nan puu tii bi na ni. Ni nan bi dulnyaa wee ni, kaa nan kpa limakl, kaa nan nyi Uwumbɔr.

Hiibru Yaab 11:31

Rahab, u nan ye upiidagoor na, nan gaa Uwumbɔr ki kii, ki chann bipepekb tichann. Waah nan gaa Uwumbɔr ki kii pu na, le baa nan ku u buyoonn bi kuln waatiŋ aanib bi kaa kii Uwumbɔr aamɔb na.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

Josua 2:13

Puu tipuur ke ni ga gaa nte, ni nna, ni nninjatiib, ni nnaatiib, ni baamaal mɔmɔk lii. Ni taa cha bi ku timi.”

Josua 2:16

U nan bui bi ke, “Li cha ŋigongon ŋee ni man. Ni yaa kaa ŋa kina kan, ubɔr aanib ngbaan ga kan nimi. Ni bɔr nima ki ti saa iwiin itaa, aan nima kan, ubɔr aanib ngbaan ga gir ni. Nee aapuwɔb, ni ga ŋmaa nya ki buen.”

Josua 2:18

Tɔ, aa mu aah ga ŋa pu na sɔ: n‑yoonn mu ti ban ti jenn gaa nimi aatiŋ ngbaan na kan, aa di tikokomann aaŋmin mue ki di gbin takolu u ti dii nyan na, ki yin ni aate, ni aana, ni aakpetiib, ni aate aamaal mɔmɔk, bi dan aado.

Bibɔjirb 1:25

Le u mɔk bi, le Efraim ni Manase aanibol aanib ku kitiŋ ngbaan aanib mɔmɔk. Uja ngbaan ni waadichal baanja le nan gur.