Josua 6:22 - Uwumbɔr aagbaŋ

²² Josua nan bui bijab bi nan buen ti pekr Jeriko aatiŋ na ke, “Li cha man pateer na aadichal ni, ki ti nyan ni u ni waamaal, naah nan puu ke ni ga ŋa pu na.”

Josua 6:22 ပူးပေါင်းရင်းမြစ်များ

2 Samuel 21:2

Gibeonn aatiŋ aanib aa nan ye Israel aanib; bi nan ye Amor aanibol siib bibaa, le Israel yaab nan puu ke bi ga li kii bi, le Sɔɔl aah nan ban kitiŋ ke u kpee Israel ni Juda yaab pu na, le u nan ban u ku doo bi.

2 Samuel 21:7

Tɔ, u ni Jonatann aah nan puu tɔb tipuukpaan ti na pu, David nan di cha Sɔɔl aayaabil Mefibosef, u aate nan ye Jonatann na.

Ilahn 15:4

Binib bi Uwumbɔr yii bi na, kina aanii lik bi fam la, le ki tee nyuŋni binib bi keei Uwumbɔr aamɔb na. U yaa puu ke u ga ŋa pu na kan, kina le u ŋani, kaa dakl lik naah ga bii waatuln pu na.

Esekiel 17:13

U nan yoor ubɔr aadichal ni aanii ubaa, le ki cha bi ŋa kimɔbaan, ki cha u puu ke u ga li dii u mbamɔm. U nan chur kaanikpaam buen,

Esekiel 17:16

Tidindaan Uwumbɔr nan ki bui ke, “Maah ye Uwumbɔr u bi n‑yoonn mɔmɔk na pu, ubɔr ngbaan aah bii waah puu tipuur ti na, ni kimɔbaan ki u ni Babiloŋ aabɔr u di u kaan nnaan na nan ŋa na, u ga kpo Babiloŋ aatiŋ ni.

Hiibru Yaab 11:31

Rahab, u nan ye upiidagoor na, nan gaa Uwumbɔr ki kii, ki chann bipepekb tichann. Waah nan gaa Uwumbɔr ki kii pu na, le baa nan ku u buyoonn bi kuln waatiŋ aanib bi kaa kii Uwumbɔr aamɔb na.

Josua 6:17

Ni bii kitiŋ ngbaan, ni tiwan ni mɔmɔk bi ki ponn ni na, aan ni mɔmɔk li ye ipiin ki tii Uwumbɔr. See Rahab u ye pateer na, ni waadichal ponn ni aanib baanja le ni taa ku bi, ba pu? uma le nan di timi aapepekr na di bɔr.

Josua 6:23

Nima pu na, bi nan nyan ni Rahab, ni ute, ni una, ni uninjatiib, ni waamaal mɔmɔk. Bi nan nyan bi mɔmɔk, ki gaa bi lii, le ki ti di bi kaan gbaŋ bima Israel yaab.

Josua 9:15

Josua nan cha u ni binib ngbaan kpaan ŋa kimɔbaan, le u ni Gibeonn yaab ngbaan ŋa kijɔtiik, le u cha bi bi, waa ŋa bi nibaa. Israel yaab aaninkpiib nan puu tipuur, ki kii ke bi ga li joo kimɔbaan ngbaan.

Bibɔjirb 1:25

Le u mɔk bi, le Efraim ni Manase aanibol aanib ku kitiŋ ngbaan aanib mɔmɔk. Uja ngbaan ni waadichal baanja le nan gur.