Josua 6:19 - Uwumbɔr aagbaŋ

¹⁹ Tiwan nimɔk bi di tikunabr, bee salmaa, bee tikumann, bee tikur ŋa ni na, ni di ni nan tii Uwumbɔr. Ni di tiwan ngbaan mɔmɔk ki di ŋa Uwumbɔr Aabool ni.”

Josua 6:19 ပူးပေါင်းရင်းမြစ်များ

2 Samuel 8:11

Ubɔr David nan di ipiin ngbaan, ni tikunabr, ni salmaa u u nan gaa Edom, ni Moab, ni Amonn, ni Filistia, ni Amalek yaab chee na, ni waah nan gaa Hadadeser chee ni na tii Uwumbɔr.

1 Bibɔrb 14:26

U nan yoor liwangol limɔk nan bi Uwumbɔr Aadichal ponn ni, ni libɔrdichal ni na, ki yoor salmaa aapen ŋi Solomonn nan ŋa na mu.

1 Bibɔrb 7:51

Ubɔr Solomonn aah nan doo Uwumbɔr Aadichal ni aatuln mɔmɔk na, le u di tiwan ni mɔmɔk ute David nan di tii Uwumbɔr na ŋa Lidichal ngbaan aawan aadir ponn ni. Nima le ye tikunabr, ni salmaa, ni tiwan niken na.

2 Bibɔrb 24:13

le ki yoor Uwumbɔr Aadichal ni, ni libɔrdichal ni aawangol buen Babiloŋ aatiŋ ni. Uwumbɔr aah nan puen len pu na, Nebukadnesar nan wiil salmaa aawan ni mɔmɔk Ubɔr Solomonn nan ŋa ke bi li joo tun Uwumbɔr Aadichal ni lituln na.

1 Bibɔrb Aabɔr 18:11

Ubɔr David nan di ipiin ngbaan, ni tikunabr ni salmaa u u nan gaa Edom, ni Moab, ni Amonn, ni Filistia, ni Amalek yaab chee na, tii Uwumbɔr.

1 Bibɔrb Aabɔr 26:20

Biŋeen aatɔtiib Liifai yaab biken nan yeh ŋimombil ni tijikaar aadir ti bi joo ipiin i bi di tii Uwumbɔr na aatun.

1 Bibɔrb Aabɔr 26:26

Selomif ni waadichal le nan ye bi lik ipiin i Ubɔr David, ni bidichadam, ni itaŋaal aagetek aasalolm, ni butɔb aajab aaninkpiib di tii Uwumbɔr na.

1 Bibɔrb Aabɔr 26:27

Bi nan di baah gaa tiwan ni butɔb ponn ni na tii ke bi li joo tun Uwumbɔr Aadichal ponn ni aatun.

1 Bibɔrb Aabɔr 26:28

Selomif ni waadichal le nan ye binib bi lik tiwan ni mɔmɔk bi di tii ke bi li joo tun Uwumbɔr Aadichal ponn ni aatuln na, ki di kpee ipiin i Uwumbɔr aabɔnabr Samuel, ni Ubɔr Sɔɔl, ni Ner aajapɔɔn Abner, ni Seruya aajapɔɔn Joab nan joo nan tii na pu.

1 Bibɔrb Aabɔr 28:12

U nan ki di waah dak ke u ki maa laachiln ni tidir ti ga li bi lichiln ngbaan ni na, ni Uwumbɔr Aadichal ni aapiin, ni tijikaar ti bi di tii Uwumbɔr na aadir aagbaŋ tii u.

2 Bibɔrb Aabɔr 15:18

U nan di tiwan ni mɔmɔk ute Abija nan di tii Uwumbɔr na giin Uwumbɔr Aadichal ni, ki kpee uma ubaa aah nan di salmaa ni tikunabr aawan ni tii Uwumbɔr na pu.

2 Bibɔrb Aabɔr 31:12

le ki di ipiin ngbaan ni baah nyan tiwan nibaabaa ni kipiik kipiik mɔk ni tii Uwumbɔr na mɔmɔk ŋa ti ponn ni, ke nibaa taa bii ti. Bi nan di Liifai aanii u bi yin u ke Konania na le di kiir ti, le unaal Simei ter u.

Nehemia 10:38

Bitotoorb bi ye Aaronn aayaabitiib na ga li bi Liifai yaab ngbaan chee n‑yoonn mu bi bi gaal tisar aawan ngbaan na, le Liifai yaab ngbaan ga yakr tijikaar ngbaan nfum kipiik kipiik, ki di ligeln libaabaa ŋa Uwumbɔr Aadichal aapil ponn ni, aan ti li ye Lidichal ngbaan aajikaar.

Jeremia 38:11

Le Ebed Melek ni bijab ngbaan buen libɔrdichal aawan aah bi kidiik ki ponn ni na, le ki ti ban tikekekpir di leen iŋmin pu ki di lii ni m chee.

Liifai Yaab 19:24

Libiln nanar ni kan, ni di ŋisubil ngbaan mɔmɔk tii mi Uwumbɔr, ni li ye nimi aadoon aatork.

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Nkahm 31:11

Baah nan jenn bi ki gaa tiwan nimɔk na, bi nan yoor ni, ni binaagbiib, ni tiwakor mɔmɔk.

Nkahm 31:12

Bi nan joo ni ni mɔmɔk Moses, ni Eleasar, ni Israel yaab mɔmɔk chee, Moab yaab aapaan mu bi Jɔɔdann aamɔɔl chee, ki lik Jeriko aatiŋ, limɔɔdapuul wɔb na.

Nkahm 31:22

Tiwan nimɔk mmii aan ŋmaa wu ni, ni ye salmaa, ni tikunabr, ni tikumann, ni tikur, ni tikur ti bi joo leŋni tiken na, ni tikur ti bi joo doon biini tiwan pu na, ni di pu mmii ni ki ŋa ni chain. Tiwan nimɔk gur na, ni di nnyun mu bi joo ŋani tiwan chain na, ki di finn tiwan ngbaan mɔmɔk ki ŋa ni chain.

Matiu 27:6

Le Uwumbɔr aatotoorninkpiib pii ŋimombil ngbaan ki bui ke, “Ni ye nsin aamombil la. Timi aakaal aa kii ke ti di kina aamombil ŋa Uwumbɔr aamombil ni.”

Tibɔnyaan ti Mak ŋmee ti na 12:41

Yesu nan ka mal Uwumbɔr aapiin aadakaa, ki lik kinipaak ngbaan aah joo ŋimombil ŋani dakaa ngbaan ponn ni pu na. Le biwankpadam pam nan di ŋimombil pam ŋa u ponn ni.

Josua 7:11

Israel yaab le tun titunwanbir. Maah bui bi ke bi taa ŋa pu na, bi yii ki ŋa ni. Tiwan ni m nan bui bi ke bi bii ni na, bi yii ki yoor ni. Bi sun tiwan ngbaan, le ki gii inyamɔn ni pu, ki di kpaan baawan ponn ni.