Josua 6:17 - Uwumbɔr aagbaŋ

¹⁷ Ni bii kitiŋ ngbaan, ni tiwan ni mɔmɔk bi ki ponn ni na, aan ni mɔmɔk li ye ipiin ki tii Uwumbɔr. See Rahab u ye pateer na, ni waadichal ponn ni aanib baanja le ni taa ku bi, ba pu? uma le nan di timi aapepekr na di bɔr.

Josua 6:17 ပူးပေါင်းရင်းမြစ်များ

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Esra 10:8

Bi nan bui ke joo cha ni iwiin itaa daal na, unii umɔk yii kaa dan na, bi ga gaa waawangol mɔmɔk, le waan ki li kpa nsan ke u ye binib ngbaan ponn ni ubaa.

Aisaya 34:6

Waajaak aajuk po ga li ye nsin ni nkpan ŋmeen la, ki ga li naahn ipiih ni iŋoob i bi di toor kitork na aasin ni nkpan la. Uwumbɔr ga toor kitork kimina Bosra aatisakpeŋ ni la; u ga ŋa linikul sakpeln limina Edom aatiŋ ni la.

Jeremia 46:10

Din wee le ye Tidindaan Uwumbɔr Mpɔɔnsakpiindaan aawiin, din le u ga teen waadim; din le u ga daa waadim aatafal. Waajaak aajuk ga geei bi ki ti bab, le ki nyu baasin ki ti gbii. Din wee le Uwumbɔr Mpɔɔnsakpiindaan ga di waadim toor kitork ŋŋangan wɔb, Yufrates aamɔɔl chee.

Esekiel 39:17

Tidindaan Uwumbɔr nan ki bui mi ke, “Unibɔn, yin ni inyoon ni ipeel mɔmɔk ke i kuun ni ki nan ji kitork ki m bi gor siini i na. Ni ga li ye njimkpaam le Israel aajoo pu nin chee i ga ŋmɔ tinann ki nyu nsin na.

Liifai Yaab 27:21

Ni yaa nan ŋeer bi giin biwandam aawan tii bi, Giintii Uwandaan aabiln li paa ni na kan, kitiŋ ngbaan gur ye Uwumbɔr yaan la, le ni ga di kitiŋ ngbaan tii bitotoorb.

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

1 Korenti 16:22

Unii yaa kaa gee Tidindaan kan, Uwumbɔr aabɔbir li bi u pu. Tidindaan, dan.

1 Korenti 2:7

Ti len Uwumbɔr aabɔbɔrkaan aalan mu nan bɔr na aabɔr la. Uwumbɔr aah kaa nan kee naan dulnyaa wee na, u nan dakl nlan mue, ke ti mu ji waamɔɔn.

Galantiya 3:10

Tɔ, binib bimɔk dii Moses aakaal ke bi ŋmar na, Uwumbɔr aamɔpuur bi bi pu la. Ba pu? ni ŋmee Uwumbɔr Aagbaŋ ni ke, “Uwumbɔr aamɔpuur bi unii umɔk yii, kaa dii ikaal ni mmɔkm mumɔk bi Nkaal aagbaŋ ni na pu la.”

Galantiya 3:12

Moses aakaal bi, le ki cha naadii mu bi. Nkaal ngbaan len ke unii u dii mu mbamɔm na ga li kpa limɔfal.

Ikaal 20:17

Ni kuln binib ngbaan pel pel. Bima le ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab, ke Uwumbɔr aah nan bui ke ni ŋa pu na.

Hiibru Yaab 11:31

Rahab, u nan ye upiidagoor na, nan gaa Uwumbɔr ki kii, ki chann bipepekb tichann. Waah nan gaa Uwumbɔr ki kii pu na, le baa nan ku u buyoonn bi kuln waatiŋ aanib bi kaa kii Uwumbɔr aamɔb na.

Hiibru Yaab 6:10

Uwumbɔr ŋan la. Waan suln naah tun lituln pu ki ter waanib, ki beenin ter bi na, ki mɔk u naah gee u pu na bɔr.

Jemisi 2:25

Kina le Rahab u nan ye upiidagoor na nan chann Josua aatutum tichann, ki tuk bi ke bi dii nsan yayan aan baadim taa kan bi. Nima pu le waabɔr nan ŋan Uwumbɔr chee.

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 2:22

Le bipepekr ngbaan buen ŋigongon na ni, le ki ti bɔr nima. Ubɔr aajab na nan chuun mann gonni kitiŋ ngbaan aatingbaan iwiin itaa, kaa kan bi, le ki gir kun ni.

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”

1 Samuel 15:6

U nan tun ti bui Kenn aanib, bi aayaajatiib nan ŋa Israel yaab tiŋann buyoonn bi nan nyan ni Ijipt ni na ke, “Nyan cha man Amalek yaab, aan m taa nan ku nimi kpee bi pu.” Le Kenn yaab ngbaan nyan cha bi.