Josua 4:19 - Uwumbɔr aagbaŋ

¹⁹ Binib ngbaan nan puur Jɔɔdann Aamɔɔl njan aaŋmal aawiin kipiik daal la, le ki kal Gilgal aatiŋ ni, Jeriko aawipuul wɔb.

Josua 4:19 ပူးပေါင်းရင်းမြစ်များ

2 Bibɔrb 2:1

N‑yoonn nan fuu ni ke Uwumbɔr yoor Elaija kinaakpaajabuŋ ni buen paacham. Elaija ni Elaisa nan nyan Gilgal le ki cha.

Amos 4:4

Tidindaan Uwumbɔr bui ke, “Israel yaab, ni yaa gee kan, ni li cha man Betel aabuul li bi chain na ni ki ti tun titunwanbir man. Di man nimi aapɔɔn mɔmɔk ki buen Gilgal aatiŋ ni ki ti tun titunwanbir. Li joo ni man nimi aawakor iwiin mɔmɔk ki nan toor kitork, ki joo ni nimi aajikaar aapar iwiin itata daal.

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Ikaal 1:3

Baah nan nyan ni Ijipt aatiŋ ni aan ni ti saa ŋibin imonko ilee na, ŋmapiik ni ubaa aajan aawiin daal, le Moses nan di Uwumbɔr aakaal imɔk u nan tuk u na mɔk binib ngbaan.

Ikaal 11:30

(Ŋijoo ŋilee ngbaan bi Jɔɔdann Aamɔɔl aawilir wɔb la, le ki bi Kanaann yaab bi bi Jɔɔdann aafataŋ ni na aapepel ni. Ŋi bi ki cha liwilir wɔb la, le kaa daa More aawaachur chee, ki bi Gilgal aatiŋ chee.)

Josua 10:43

Nee aapuwɔb, le Josua ni waajab gir kun Gilgal aatiŋ ni.

Josua 10:6

Le Gibeonn aatiŋ aajab tun ntuun Josua chee, Gilgal aatiŋ ni ke, “Timi aaninkpel, taa yii. Dan mala ki nan ter timi, ki gaa timi lii. Amor yaab aabɔrb mɔmɔk bi ka ŋigongon pu na kpaan kimɔbaan ki nan lir ti pu a.”

Josua 15:7

ki yoor ni Tibɔbir Aafataŋ mɔk, ki ti nyan Debir aatiŋ pu, le ki fenn ŋŋangan wɔb ki di kpaa Gilgal aatiŋ, ki ni Adumim Aajool Aasan lik tɔb na, ki bi kifataŋ aaŋangii wɔb na, le ki yoor kina ki buen Ensemes aanyunbun wɔb, ki nyan nima ti pii Enn Rogel,

Josua 24:11

Le ni nan puur Jɔɔdann Aamɔɔl ki dan Jeriko aatiŋ ni. Le Jeriko yaab ton nimi butɔb. Nee aapuwɔb, le Amor yaab, ni Peris yaab, ni Kanaann yaab, ni Hef yaab, ni Girgas yaab, ni Hif yaab, ni Jebus yaab mu nan ton nimi butɔb, le m nan cha ni nyaŋ bi mɔmɔk.

Josua 4:18

le n‑yoonn mu bitotoorb ngbaan nyan ki nan saa n‑gbaan na, le limɔɔl ngbaan ki piin ki puu ki gbiin ke laah ba bi pu na.

Josua 5:10

Israel yaab aah nan ka Gilgal aateer mu bi gbɔk Jeriko na, le bi nan jin njim mu bi yin mu ke Lakr‑jer na, uŋmal aawiin kipiik ni inaa daal aajook.

Josua 5:9

Le Uwumbɔr bui Josua ke, “Din wee, m nyan Ijipt yaab aanaagbiir aanimɔɔn ni pu.” Nima pu le bi yin kitiŋ ngbaan ke Gilgal, bi laa beenin yin kitiŋ ngbaan kina la.

Josua 9:6

Le bi buen Gilgal aatiŋ ni, Josua ni Israel aajab chee, le ki ti bui bi ke, “Ti nyan ni nin chee daa na la. Ti ban ke ti ni nimi ŋa kimɔbaan la.”

1 Samuel 10:8

Aa ga loln m pu nsan ki buen Gilgal, nin chee m ga nan pii si aan ki toor kitork ki ti ga di see mmii ni na, ni kimɔbaan aatork mu. Li kii mi nima ki ti saa iwiin ilole aan m nin dan ki nan mɔk si saah ga ŋa pu na.”

1 Samuel 15:33

Le Samuel bui u ke, “Saajaak aajuk aah cha natiib kpaln bipiib kaa kpa mbim pu na, kina le aana mu ga kpaln upii u kaa kpa ubo na,” le ki chɔi chɔi Agag, kitork aabimbiln chee, Gilgal aatiŋ ni.