Josua 4:14 - Uwumbɔr aagbaŋ

¹⁴ Uwumbɔr aah nan ŋa pu liyaadaal ngbaan na nan cha binib ngbaan bee ke Josua ye unikpaan la. Bi mɔmɔk nan nyuŋni Josua ki ti saa waakundaal, ke baah nan nyuŋni Moses pu na.

Josua 4:14 ပူးပေါင်းရင်းမြစ်များ

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

2 Bibɔrb 2:15

Uwumbɔr aabɔnabtiib piiŋmu bi nan nyan ni Jeriko na nan kan u le ki bui ke, “Elaija aapɔɔn bi Elaisa pu.” Bi nan tooh u nsan pu, le ki gbaan unimbiin ni,

1 Bibɔrb Aabɔr 29:25

Uwumbɔr nan cha litimbol ngbaan mɔmɔk san Solomonn le ki cha u kan liyimbil ki jer ubɔr umɔk puen u ki joo Israel aatimbol na.

2 Bibɔrb Aabɔr 30:12

Uwumbɔr nan bi tun waatuln Juda aapepel ni, le ki cha binib ngbaan ŋa kimɔbaan baah pɔɔni bibaa pu ke bi kii waageehn ki dii ubɔr ni waaninkpiib aah len pu na.

Nnyam 11:3

Uwumbɔr nan cha Ijipt yaab tii Israel yaab kipak. Mbamɔn, ubɔr aaninkpiib ni binib ngbaan mɔmɔk nan bee ke Moses ye uninyuun la.

Nnyam 14:31

N‑yoonn mu Israel yaab kan Uwumbɔr aah di waapɔɔn nyaŋ Ijipt yaab na, le ni ŋa bi tifaan Uwumbɔr aah ŋa pu na, le bi gaa Uwumbɔr ni waatutunn Moses ki kii.

Ŋiyataŋak 24:21

Maabo, li san Uwumbɔr ijawaan ki pak u, ki li pak saabɔrkpaan. Taa dii binib bi yii baamɔi na aabɔr;

Rom Yaab 13:4

Bi ye Uwumbɔr aatutum ke bi biin aa pu la. Aa mu yaa tun lituln li kaa ŋan na kan, li san ijawaan. Bi kpa mpɔɔn ke bi daa aatafal. Bi ye Uwumbɔr aatutum ke bi daa binib bi tun lituln li kaa ŋan na aatafal.

1 Korenti 10:2

Baah puur nnyusakpem ngbaan ki dii ntaalangbam ngbaan aah mɔk bi pu na, ni naahn ke bi muin bi nnyun ni ki ŋa bi Moses aadidiliib la.

Josua 3:7

Uwumbɔr nan bui Josua ke, “Maah ga ŋa tiwan ni din wee na le ga cha Israel aanib ngbaan mɔmɔk piin ki li nyuŋni si ke uyidaan na, bi ga bee ke m bi aa chee ke maah nan bi Moses chee pu na.

Josua 4:13

Bijab bi nan ŋeer butɔb na ga nan li pii ŋichur imonko ilee, le ki puur Jɔɔdann Aamɔɔl, Uwumbɔr aanimbiin ni, ki kal nteer mu bi gbɔk Jeriko aatiŋ na chee.

Josua 4:15

Uwumbɔr nan ki bui Josua ke,

1 Samuel 12:18

Samuel nan mee limeel, le Uwumbɔr cha utaal nun ki tar liyaadaal ngbaan. Le binib ngbaan mɔmɔk san Uwumbɔr ni Samuel mu ijawaan,