Josua 3:17 - Uwumbɔr aagbaŋ

¹⁷ Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Josua 3:17 ပူးပေါင်းရင်းမြစ်များ

2 Bibɔrb 2:8

Le Elaija chuu peer waakpalk na ki tam tam ki di faa nnyun ngbaan; le nnyun ngbaan chuu yakr nfum mulee, le u ni Elaisa chuun kitikuun pu ki puur lidapuul.

Ilahn 66:6

U cha nnyusakpem kpaln kitikuun; tiyaajatiib chuun bitaa pu le ki puur limɔɔl. Nima chee le ti nan mɔɔni waah tun pu na pu.

Nnyam 14:21

Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Nnyam 14:22

le Israel yaab chuun nnyusakpem ngbaan ni, kitikuun pu, le nnyun ngbaan kpaln ŋigon ki sil ŋipepel mɔmɔk ŋilee.

Nnyam 14:29

Israel yaab ma nan chuun kitikuun pu le nnyusakpem ngbaan ni, le mu kpaln ŋigon ki si ŋipepel mɔmɔk ŋilee.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Nkahm 33:51

ke u bui Israel yaab tibɔr ti paa na: “N‑yoonn mu ni puur Jɔɔdann Aamɔɔl ki koo Kanaann aatiŋ ni na,

Hiibru Yaab 11:29

Israel yaab aah nan ban ke bi puur Limɔɔkal Aanyusakpem, baah nan gaa Uwumbɔr ki kii pu na, le nnyun nan yakr ki cha nsan tii bi, le bi puur. Ijipt aatiŋ aanib aah nan ban bi mu puur na, bi nan bee nnyun ni la.

Josua 4:1

N‑yoonn mu Israel aanibol mɔmɔk puur Jɔɔdann Aamɔɔl doo na, le Uwumbɔr bui Josua ke,

Josua 4:10

Bitotoorb ngbaan nan si tu Uwumbɔr Aakaal Aadakaa ngbaan Jɔɔdann Aamɔɔl aakaasisik ni, le binib ngbaan ti ŋa Uwumbɔr aah bui ke bi ŋa pu na mɔmɔk doo kina. Kina le Moses nan bui Josua ke bi ŋa. Binib ngbaan nan ŋa mala mala le ki puur limɔɔl ngbaan.

Josua 4:11

N‑yoonn mu bi mɔmɔk nan puur ki bi lidapuul liken na, le bitotoorb bi tu Uwumbɔr Aakaal Aadakaa na loln binib ngbaan pu nsan.

Josua 4:22

ni tuk bi ke n‑yoonn mu Israel yaab nan chuun kitikuun pu ki puur Jɔɔdann Aamɔɔl na, le bi nan nyan ni ŋi limɔɔl aakaasisik ni.

Josua 4:3

aan bi pii ŋitakpal kipiik ni ŋilee, Jɔɔdann Aamɔɔl aakaasisik ni, nin chee bitotoorb si na. Tuk bi ke bi di ŋitakpal ngbaan ti bil baah ga doon nin chee kinyeek ngbaan na.”

Josua 5:1

Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.