Josua 24:33 - Uwumbɔr aagbaŋ

³³ Aaronn aajapɔɔn u bi nan yin u ke Eleasar na mu nan kpo, le bi nan di u sub Gibea aatiŋ ki bi nan di ki tii ujapɔɔn Fineas, aan ki bi ŋigongon ni, Efraim yaab aapepel ni na.

Josua 24:33 ပူးပေါင်းရင်းမြစ်များ

2 Samuel 20:21

Timi aalandak aa ye kina. Uja u nyan ni lijool aatiŋ ni, Efraim aatiŋ pu, aan bi yin u ke Seba, aan ute ye Bikri na, le yii Ubɔr David aamɔb, ki fii sil u pu. Nyan man ujabaan ngbaan tii ni timi, le m ga siir cha nimi aatiŋ.” Le upii ngbaan bui ke, “Ti ga di uyil mee laan ni nimi, ligoln paab.”

1 Bibɔrb 4:8

Bininkpiib kipiik ni bilee ngbaan, ni baah yeh ŋipepel ŋi na aayimbil sɔ: Ben‑Hur le nan yeh Efraim aagongon aatiŋ.

2 Bibɔrb 5:22

Le Gehasi gar u ke, “Nibaa aa ŋa. Maaninkpel le tee tun ni mi ke dandana le Uwumbɔr aabɔnabtiib bi bi Efraim aagongon aatiŋ ni na bilee fuu ni, le u ban ke aa tii ni bi tikur aamombil ŋichur ŋitaa, ni tiwanpeenkaan ni ŋan mbamɔm na ŋiker ŋilee pu.”

Esra 7:5

Buki aate nan ye Abisua la, le Abisua mu aate nan ye Fineas, le Fineas aate nan ye Eleasar, u aate nan ye utotoorninkpel Aaronn na.

Job Aagbaŋ 30:23

M nyi ke aa joo mi cha maakun ni la, aa joo mi cha ndoon mu dɔ kii unii mɔmɔk na ni la.

Ilahn 49:10

Unii mɔk kani ke binib bi kpa nlan na mu kpoi, ke bijɔrb ni bilatiirb na la. Bi mɔmɔk kpoi le ki cha baawangol siini biyaabitiib.

Nnyam 6:23

Aaronn nan yoor Eliseba, Aminadab aabisal u ye Nasonn aaninkpan na, le u nan ma Nadab, ni Abihu, ni Eleasar, ni Itamar.

Nnyam 6:25

Aaronn aajapɔɔn Eleasar nan yoor Putiel aabisal, le ki ma Fineas. Bi mɔmɔk nan ye Liifai aamaal aayidam la.

Sekaria 1:5

Niyaajatiib ni bibɔnabr ngbaan aa ki bi.

Nkahm 3:32

Utotoor Aaronn aajapɔɔn Eleasar le nan ye Liifai yaab aayidaan. Uma le nan lik binib bi tun lituln, Chain Aapepel ni na.

Lituln 13:36

Ubɔr David aah nan bi na, u nan tun Uwumbɔr aatuln, le ki ti kpo. Le bi sub u uyaajatiib chee, le u bur.

Hiibru Yaab 7:24

Yesu ma kan, u ye utotoor u ga li bi n‑yoonn mu kaa kpa ndoon na. Ubaa aan ki nab waatuln pu ki toor kitork.

Josua 14:1

Tibɔr ti paa na le ye baah nan yakr Kanaann aatiŋ, Jɔɔdann Aamɔɔl aawilir wɔb tii Israel yaab pu na. Utotoor Eleasar, ni Nunn aajapɔɔn u bi nan yin u ke Josua na, ni Israel yaab aanibol aamaal aaninkpiib le nan yakr kitiŋ tii Israel yaab aanib mɔmɔk.

Josua 22:13

Le Israel aanib ngbaan nan tun Eleasar aajapɔɔn u bi yin u ke Fineas na, ke u buen Rubenn ni Gad aanibol, ni Manase aanibol ligeln na aanib chee, Gilead aatiŋ ni.

Bibɔjirb 17:8

U nan fii Betlehem ke u ki ban nibaa chee ki kal. Waah nan bi chuun na, le u ti fuu Maika do, Efraim aagongon aatiŋ ni.

Bibɔjirb 18:13

Bi nan nyan nima chee le ki di buen Maika do, Efraim aagongon aatiŋ ni.

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.

1 Samuel 9:4

Bi nan buen Efraim aatiŋ ki ŋigongon wiir nima na, ni Salisa aapepel wɔb, le kaa kan i, kina pu le bi nyan nima ki buen Saalim aapepel mu, le kaa kan i nima mu. Le bi bɔ dii Benjaminn aapepel ponn ni, le kaa ki kan i.