Josua 24:31 - Uwumbɔr aagbaŋ

³¹ Josua aah nan bi limɔfal ni, ki ti saa buyoonn u kpo na, Israel yaab nan dii Uwumbɔr mbamɔm, le waah kpo na, bi nan beenin dii u mbamɔm, ki ti saa buyoonn baaninkpiib bi nan kan Uwumbɔr aah nan ŋa lijinjiir aawan pu na, mu nan kpoi.

Josua 24:31 ပူးပေါင်းရင်းမြစ်များ

Mpiin 14:10

Baah nan bi kifataŋ ki ponn ni na nan kpa kootaal aabuu pam, nima pu na, Sodom ni Gomora aabɔrb ni baajab aah nan ban bi san na, ngem nan lir ŋibuu ngbaan ni; le bi gur na nan san buen ŋijoo ŋibaa paab, le ki ŋmar.

2 Bibɔrb Aabɔr 24:2

N‑yoonn mu mɔmɔk utotoor Jehoyada nan bi limɔfal ni na, Joas nan tun Uwumbɔr aah gee pu na la.

2 Bibɔrb Aabɔr 34:33

Ubɔr Josia nan gbaa ber ŋiwaa ŋi sukr ponn ni na, Israel yaab aapepel mɔmɔk ni, le n‑yoonn mumɔk u nan bi limɔfal ni na, u nan cha binib ngbaan dii biyaajatiib Aadindaan Uwumbɔr.

Lituln 20:29

M nyi ke m yaa kaa ki bi ni chee kan, binib ga dan nan bii nimi, ke ŋisapol aah chuun chur ipiih pu na.

Ikaal 11:2

Din wee, ni teer naah bee Uwumbɔr aabimbin, waah tun ŋitukpaan ŋi ni chee na pu. Naa ye nimi aabim le kan, nimi le nan kan ŋitukpaan ngbaan.

Ikaal 11:7

Mbamɔn, nimi bimina le nan kan ŋitukpaan ŋimɔk Uwumbɔr nan tun na.

Ikaal 31:13

Nima kan, niyaabitiib bi kaa kee ŋun Nidindaan Uwumbɔr Aakaal aabɔr ngbaan na mu ga ŋun ti. Nima le ga cha bi bee ki kii waamɔb, kitiŋ ki ni ban ni puur Jɔɔdann Aamɔɔl ki ti gaa ki na ni, ki ti saa baamɔfal aadoon.”

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Filipi 2:12

Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

Bibɔjirb 2:10

Josua aaŋeen aatɔtiib ngbaan mɔmɔk nan kpo doo, le binib bi nan paan ni bi pu na nan suln Uwumbɔr, ni waah nan tun pu tii Israel aanib na bɔr.

Bibɔjirb 2:6

Josua nan chɔi Israel aanib, le unii mɔk buen ti kal waatiŋ aah ye nin chee na.

Bibɔjirb 2:7

Josua aamɔfal mɔmɔk ni, Israel aanib nan dii Uwumbɔr la, le waakun aapuwɔb na bi nan beenin dii Uwumbɔr; buyoonn bininkpiib bi nan bi ki kan Uwumbɔr aah nan tun ŋitukpaan ŋi tii Israel yaab na nan beenin bi na.