Josua 24:29 - Uwumbɔr aagbaŋ

²⁹ Nee aapuwɔb le Uwumbɔr aatutunn Josua, u nan ye Nunn aajapɔɔn na kpo. U nan saa ŋibin nkub ni kipiik le ki nin kpo.

Josua 24:29 ပူးပေါင်းရင်းမြစ်များ

Mpiin 50:22

Josef ni ute aamaal mɔmɔk nan beenin bi Ijipt aatiŋ ni, le u ti saa ŋibin nkub ni kipiik, le ki kpo.

Mpiin 50:26

Nima na, Josef nan saa ŋibin nkub ni kipiik, le ki kpo Ijipt aatiŋ ponn ni. Bi nan ŋa uwon baah ŋani pu aan linikpol aan bur na, le ki di u ŋa linikpol aadakaa ni, le ki sub.

Ilahn 115:17

Bitekpiib le aa pak Uwumbɔr, unii umɔk sunn buen kitekpiitiŋ ni na aa pak u,

Ikaal 34:5

Nima pu na, Moses, u nan ye Uwumbɔr aatutunn na, nan kpo Moab yaab aatiŋ ni, Uwumbɔr aah nan siin pu na.

Josua 24:28

Nee aapuwɔb, le Josua nan cha binib ngbaan mɔmɔk gir kun baah nyan ni ntim mu ponn ni na.

Josua 24:30

Bi nan di u sub udo aatiŋ ki bi ŋigongon aatiŋ ni, aan bi yin ki ke Timnaf Sera na ni la. Kitiŋ ngbaan nan bi Efraim aatiŋ ni, Gaas Aajool aaŋangan wɔb la.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”

Bibɔjirb 2:8

Uwumbɔr aatutunn Josua u aate nan ye Nunn na nan ti saa ŋibin nkub ni kipiik le ki nin kpo.

Bibɔjirb 2:9

Bi nan di u sub ubaa aatiŋ, Timnaf Sera ki bi Efraim aanibol aatiŋ ki bi Gaas Aajool aaŋangan wɔb na ni la.