Josua 24:17 - Uwumbɔr aagbaŋ

¹⁷ Tidindaan Uwumbɔr le nan nyan ni titetiib, ni timi, Ijipt yaab aanaagbiir ni, le ti kan lijinjiir aatun ŋi u tun na. Taah nan bi nin chee na mɔmɔk, uma le nan biin ti pu, le ŋinibol ŋimɔk ti koo bi ni na ubaa aa nan ŋa timi nibaa.

Josua 24:17 ပူးပေါင်းရင်းမြစ်များ

2 Bibɔrb Aabɔr 13:10

“Le tima beenin dii Tidindaan Uwumbɔr, kaa yii u. Aaronn aayaabitiib bi ye bitotoorb na beenin tun baatun, le Liifai yaab ter bi.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 19:4

“Ni kan min Uwumbɔr na aah nan ŋa Ijipt yaab pu, ki kii nimi ke likaagiil aah kii laabo pu, ki yoor u ufeen pu pu na, le ki joo ni nimi mbaa chee.

Aisaya 46:4

Min le ye nimi Aawumbɔr u joo nimi na ki ti saa buyoonn ni ga por aan niyil piir na. Min le naan nimi le ki ga li joo nimi, min le ga ter nimi ki gaa nimi lii.”

Ikaal 29:2

Moses nan kuun Israel aanib ngbaan mɔmɔk le ki bui bi ke, “Nimi nibaa aanimbil nan kan Uwumbɔr aah nan ŋa Ijipt yaab aabɔr, ni waatutum, ni waatiŋ mɔmɔk pu na.

Ikaal 32:9

le ki nyan Jakob aamaal ke bi li ye waanib.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.

Josua 24:16

Le binib ngbaan nan giin bui u ke, “Taan di Uwumbɔr lii kpala ki dii liwaal libaa.

Josua 24:18

Taah nan tur koo kitiŋ kee ni na, Uwumbɔr jenn nyan Amor yaab bimɔk nan bi do na, kina pu na, ti ga dii Uwumbɔr la, uma le ye Tidindaan.”