Josua 24:15 - Uwumbɔr aagbaŋ

¹⁵ Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”

Josua 24:15 ပူးပေါင်းရင်းမြစ်များ

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Mpiin 35:2

Le Jakob bui waamaal, ni binib bimɔk nan bi u chee na ke, “Chuu nyan ŋiwaa ŋi mɔmɔk ni kpa na ki di mee man; ki ŋa nibaa chain aan ki kpeln nimi aawanpeenkaan man.

1 Bibɔrb 18:21

Elaija nan buen binib ngbaan chee le ki ti bui ke, “Ni ga ki yunn kinye aan ni kpeln nimi aalandak? Uwumbɔr le yaa ye Nidindaan kan, ni li dooni u; liwaal Baal le yaa ye nidindaan kan, ni li dooni li.” Tɔ, binib ngbaan aa nan gar tibaa.

1 Bibɔrb Aabɔr 1:14

Kanaann le nan ki ye Jebus ni Amor, ni Girgas,

Ilahn 101:2

Maatuln aan li kpa tijɔŋ. Bayoonn aan aa ga dan m chee? M ga li joo mbimbin mu ŋan na le bi maadichal ponn ni,

Ilahn 119:106

M ga li joo maapuur kpaan ti m puu ke m ga li dii saakaal bamɔnn na.

Nnyam 23:2

Ni taa kpaan kinipaak chee n‑yoonn mu bi ti ŋa mbiin na, ki taa kpaan bi chee ki kii inyamɔn aaseeraa.

Nnyam 23:24

Ni taa gbaan ki doon baawaa, ki taa gaa baah dii baawaa pu na. Ni gbaa wiil baawaa, ni ŋitakpal ŋi bi dooni na.

Nnyam 34:15

Ni taa kpaan binib ngbaan chee ki ŋa kimɔbaan, ba pu? n‑yoonn mu bi toor baawaa na kan, bi ga chɔi nimi, ni ji kitork aajikaar ngbaan.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Daniel 3:18

Hali u yaa kaan ŋa kina kan, si mpɔɔndaan li nyi ke taan doon saawaal, kaan gbaan ki doon salmaa aawan ni aa naan siin na.”

Liifai Yaab 14:42

Le bi ki ban ŋifakuu yayan ki di saŋ ŋimana aabuul ni, ki pɔ ponn ni, ni mɔmɔk.

Maika 4:5

Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Ikaal 13:7

Nibaakan bi ponn ni ubaa yaa pɔɔn ubaa ke u ŋmann nimi ke ni li dooni biniyayam bi koo gbɔk nimi, bee binib bi bi dandar na aawaa kan,

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Josua 24:16

Le binib ngbaan nan giin bui u ke, “Taan di Uwumbɔr lii kpala ki dii liwaal libaa.

Bibɔjirb 6:10

M nan bui nimi ke min le ye Nidindaan Uwumbɔr, kina pu na, naah koo Amor yaab aatiŋ ni pu na, ni taa dooni baawaa. Le ni yii, kaa ŋun tii mi.”