Josua 24:14 - Uwumbɔr aagbaŋ

¹⁴ Josua nan ki bui bi ke, “Kina pu na, ni li nyuŋni Uwumbɔr, ki gaa u iŋaal ilee, ki li dii u mbamɔm. Ni di ŋiwaa ŋi niyaajatiib nan dooni ŋi Mesopotamia, ni Ijipt aatim ni na lii, aan ki dii Uwumbɔr baanja.

Josua 24:14 ပူးပေါင်းရင်းမြစ်များ

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 35:2

Le Jakob bui waamaal, ni binib bimɔk nan bi u chee na ke, “Chuu nyan ŋiwaa ŋi mɔmɔk ni kpa na ki di mee man; ki ŋa nibaa chain aan ki kpeln nimi aawanpeenkaan man.

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

Esra 9:11

ikaal i aa nan di tii saabɔnabr bi ye saatutum na, ke bi di tii timi na. Aa nan bui timi ke kitiŋ ki ti ban ti koo ki ponn ni na aa ŋan, ba pu? binib bi bi ki pu na di inimɔɔn ni tijɔŋ aatuln le gbiin kaapepel mɔmɔk.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 119:1

Binib bi aabimbin ŋan aan bi dii Uwumbɔr aakaal na kpa mpopiin.

Ilahn 119:80

Cha m li joo saakaal, saah ban pu na, ki nya nlirm aanimɔɔn ni.

Ilahn 130:4

Le aa di cha pinn timi, ke ti li san si ijawaan.

Ilahn 81:10

Min le ye Nidindaan Uwumbɔr u nyan ni nimi Ijipt aatiŋ ni na. Waar nimɔi man, aan m kpiin nimi.

Esekiel 20:18

M nan tee sak binib bi nan laa diin ki bi bi ponn ni na ke: Taa li joo ikaal i niyaajatiib ŋa na; taa dii baakaal man, ki taa di baawaa bii nibaa.

Esekiel 23:3

Baah nan laa ye nsapɔmbim ki koo Ijipt aatiŋ ni na, le bi bee bijab ki kpaln bidagoob.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Liifai Yaab 17:7

Israel aanib taa ki yii Uwumbɔr ki li kɔr baawakor tisar, ni ŋinampal, ki toor kitork tii kinimbɔŋ. Israel aanib mɔmɔk li joo nkaal ngbaan ki cha n‑yoonn mɔmɔk.

Maika 6:8

Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Tibɔnyaan ti Luk ŋmee ti na 8:15

Mu lir kitiŋ ki ŋan na ponn ni na le ye binib bi aasui ŋan ki ye mbamɔn na, ki ŋun Uwumbɔr aabɔr, ki joo ti mbamɔm, ki kpa limɔr, ki dii Uwumbɔr kaa di cha na.”

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

Efesusi 6:24

Tidindaan Yesu Kristo ŋa tinyoor ŋa binib bimɔk gee u n‑yoonn mu kaa kpa ndoon na pu.

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 18:13

Ni pɔɔn nibaa ki li dii Uwumbɔr mbamɔm.”

Ikaal 6:13

Ni li pak Nidindaan Uwumbɔr, ki li dooni uma baanja, aan ki li puur nimi aapuur waayimbil baanja pu.

Filipi 1:10

aan ki lee nsan mu ŋan na, aan ki li bi chain, ki taa li kpa taani ubaa bundaln Kristo ga gir ni na.

Josua 24:2

Le Josua bui bi mɔmɔk ke, “Uwumbɔr u ye timi Israel yaab Aadindaan na aah len pu na sɔ: ‘N‑yoonn mu jer na, niyaajatiib nan bi Yufrates Aamɔɔdapuul le ki dooni ŋiwaa. Niyaajatiib ngbaan ubaa le nan ye Tera, u nan ye Abraham ni Nahor aate na.

Josua 24:23

Le Josua bui bi ke, “Ni yaa ye kina kan, ni nyan ŋiwaa ŋi bi ni chee na man, aan ki puu ke ni ga sil dii Uwumbɔr u ye timi Israel yaab Aadindaan na.”

1 Samuel 12:14

Nimi ni nimi aabɔr yaa nyuŋ Nidindaan Uwumbɔr ki tun tii u, ki ŋun tii u, ki dii waakaal, ki dii u mbamɔn kan, tiwan mɔmɔk ga li ŋan tii ni mɔmɔk.

1 Samuel 12:24

Kii tii Uwumbɔr man, ki di gaakii, ni nisui mɔmɔk tun tii u. Teer man litusakpeln li u tun tii nimi na.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”