Josua 24:11 - Uwumbɔr aagbaŋ

¹¹ Le ni nan puur Jɔɔdann Aamɔɔl ki dan Jeriko aatiŋ ni. Le Jeriko yaab ton nimi butɔb. Nee aapuwɔb, le Amor yaab, ni Peris yaab, ni Kanaann yaab, ni Hef yaab, ni Girgas yaab, ni Hif yaab, ni Jebus yaab mu nan ton nimi butɔb, le m nan cha ni nyaŋ bi mɔmɔk.

Josua 24:11 ပူးပေါင်းရင်းမြစ်များ

Mpiin 15:19

ki kpee Kenn yaab aatim, ni Kenis yaab aatim, ni Kadmonn yaab aatim,

Ilahn 105:44

U nan di binib biken aatim tii bi, ki cha bi gaa baakpaakon,

Ilahn 114:3

Nnyusakpem Mamam nan lik le ki san; le Jɔɔdann Aamɔɔl sil kaa ki puu.

Ilahn 114:5

Nnyunsakpem, ba nan ŋa aan aa san? Jɔɔdann aamɔɔl, ba nan ŋa aan aa sil kaa ki puu?

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Nnyam 23:23

Maatuun le ga loln ni pu nsan ki di nimi buen kitiŋ ki ye Amor yaab, ni Hef yaab, ni Peris yaab, ni Kanaann yaab, ni Hif yaab, ni Jebus yaab aatiŋ na, le m ga kuln bi mɔmɔk.

Nnyam 23:28

Ijawaan ga chuu bi, le biwon li gbaa; le naah tur koo bi ponn ni na, m ga cha ni jenn nyan Hif yaab, ni Kanaann yaab, ni Hef yaab.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Nnyam 3:17

M dakl ke m ga nyan bi Ijipt aatiŋ ni, nin chee bi ŋani bi falaa na, ki di bi buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ye Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab aatiŋ na pu.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Nnyam 33:2

M ga cha maatuun loln ni pu nsan, le m ga jenn nyan Kanaann yaab, ni Amor yaab, ni Hef yaab, ni Peris yaab, ni Hif yaab, ni Jebus yaab.

Lituln 13:19

le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

Lituln 7:45

Tiyaajatiib nan di libool ngbaan tii baabim. Baabim ni baayidaan Josua mu nan yoor libool ngbaan, le ki buen bi ti gaa kitiŋ ki Uwumbɔr jenn binib nima na. Le libool ngbaan nan bi nima, ki ti saa Ubɔr David aayoonn.

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

Josua 4:1

N‑yoonn mu Israel aanibol mɔmɔk puur Jɔɔdann Aamɔɔl doo na, le Uwumbɔr bui Josua ke,

Josua 4:19

Binib ngbaan nan puur Jɔɔdann Aamɔɔl njan aaŋmal aawiin kipiik daal la, le ki kal Gilgal aatiŋ ni, Jeriko aawipuul wɔb.

Josua 4:23

Ni ki tuk bi ke Nidindaan Uwumbɔr le nan cha nnyun sil, kaa ki puu Jɔɔdann Aamɔɔl ngbaan ni, le kitiŋ kuur, le ni mɔmɔk chuun ki puur ti doo, ke waah nan cha Limɔɔkal Aanyusakpem foor pu ti chuun kitikuun pu ki puur pu na.

Josua 9:2

Le bi ŋa kimɔbaan ke bi kpaan ki to Josua ni Israel yaab butɔb.