Josua 23:8 - Uwumbɔr aagbaŋ

⁸ Ni tee li dii Uwumbɔr mbamɔm, ke naah gaa u ki kii ki nan saa dandana wee pu na.

Josua 23:8 ပူးပေါင်းရင်းမြစ်များ

2 Bibɔrb 18:6

U nan tii Uwumbɔr naadii le kaa kee yii umɔb daalbaadaal, le ki nan tee joo ikaal i Uwumbɔr nan di tii ni Moses na mbamɔm.

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 11:22

“Ni li nyi ki li joo ikaal i mɔmɔk m di mɔk nimi na mbamɔm. Ni li gee Nidindaan Uwumbɔr, ki ŋa waakaal aah mɔk nimi pu na, ki li dii uma baanja.

Ikaal 13:4

Ni li dii Uwumbɔr aasan ki pak u. Ni ŋun tii u, ki li joo waakaal mɔmɔk; ni li dooni uma baanja, ki li ŋani waah len pu na n‑yoonn mɔmɔk.

Ikaal 13:5

Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 4:4

le nimi bi nan dii Nidindaan Uwumbɔr na ma laa beenin bi limɔfal ni, ki nan saa din.

Ikaal 8:20

Ni yaa kaa kii Uwumbɔr aamɔb kan, ni li nyi ke u ga kuln nimi, ke waah ban u kuln ŋinibol ŋi ni bi tur koo baatiŋ ni na pu na.

Josua 22:5

Ni chuu nibaa man, ki kii, ki li joo ikaal i Moses nan di mɔk nimi na: ni li gee Nidindaan Uwumbɔr, ki ŋa waageehn, ki kii tii waakaal, ki li joo waasan mbamɔm, aan ki li dii u nisui ni, ni nimi aawiin mɔmɔk.”

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.

Josua 23:9

Naah piin ki choo na, Uwumbɔr le cha ni nyaŋni ntikpaam, ni mpɔɔndam aanibol, ki nyani bi baatim ni, ubaa aa kee nyaŋ nimi.